多年前睇電影《朱古力獎門人》見到周圍都係食得嘅朱古力，身為朱古力控，好想置身喺呢個天堂！今個聖誕節，香港都有 Chocolate Factory！由即日起至 12 月 31 日，葵芳新都會廣場就以「聖誕朱古力夢工場 Chocolate Factory」為主題，於商場內放咗勁多朱古力裝置。嘩！真係以為自己入咗 Chocolate Factory，即睇有乜影相位！
影相位 1：場內正中間位置，有萌爆嘅薑餅人坐鎮！
影相位 2：薑餅人前面放咗好多精美嘅蛋糕及朱古力飾物，都係影相吸 like 位！
影相位 3：好可愛嘅鹿仔蛋糕呀！
【文青玩意】 台灣文創聯乘 Cafe 食 Tea + DIY 音樂盒
影相位 4：薑餅人側面仲坐咗隻巨型熊啤啤，成個人咁高㗎，乖乖哋坐低等緊同你 selfie！
影相位 5：朱古力迷小心失控！呢個巨型朱古力溶爐，不停湧啲朱古力醬出嚟，用相機去捕捉它吧！
DIY 朱古力
影完相可以去到朱古力體驗區，親手製作朱古力！只要於場內消費滿指定金額，即可獲贈朱古力體驗區通行證，親手製作朱古力禮盒自訂服務。首先在現場嘅自拍機拍照，並將靚相貼於禮盒上，再用英文字母形狀嘅朱古力砌出收禮人嘅名字（1 盒 7 粒），製作獨一無二嘅朱古力禮盒。
期間限定手工朱古力
於聖誕期間，新都會廣場亦設有本地手工朱古力品牌 Haute Chocolat 期間限定店，大賣香港製造嘅純天然手工朱古力。品牌以比利時朱古力作原材料，每天新鮮手造朱古力。仲有士多啤梨流心餡嘅棉花糖系列，以及朱古力玫瑰花，送畀至愛就啱晒！
【本周亮點】 送勻全港！齊齊捕獲免費奶茶
大師醒你！點揀好味朱古力？
聖誕節禮物，離不開食到人甜入心嘅朱古力！原來揀朱古力都好有學問，一於請教吓GODIVA 亞太區初級巧克力大師王豔炫，等佢畀啲貼士大家！
王豔炫（GODIVA 亞太區初級巧克力大師）
第一，要目測！從外表已經可睇到朱古力質素！朱古力嘅表面要有光澤、色澤均勻一致。新鮮嘅朱古力表面唔應該有白色粉末，或白色綫條，咁樣代表唔新鮮。仲要睇吓朱古力表面有無窿，有窿嘅朱古力代表在製作時打入較多空氣，不但影響朱古力嘅幼滑度，仲會令保存期縮短！
收到朱古力做禮物，但又食唔晒？朱古力大師教路，可以將朱古力連包裝加保鮮紙包好，再放入蔬菜格內保存。想食時於雪櫃拎出嚟，放 15 至 20 分鐘置回室溫就食得！不過遲啲天氣凍啲，將朱古力放於陰涼位置就得喇！
【放題精選】 板長搞放題！90 分鐘回本攻略
新都會廣場 聖誕朱古力夢工場 Chocolate Factory
日期：即日至 12 月 31 日
時間：10am-10pm
地點：新都會廣場 3 樓天晶館
聖誕消費獎賞 換領朱古力體驗區通行證 製作獨一無二朱古力禮盒
日期：11 月 24 日至 12 月 15 日
時間︰11am-10pm（每日數量有限，換完即止）
Haute Chocolat 期間限定店
日期：11 月 24 日至 12 月 15 日
時間︰11am-10pm
文：Jessie 攝：Jay
【深夜推介】 跟小林薰學！嚴選 5 道《深夜食堂 4》庶民料理
【相關連結】 少女心爆發！Lindt 限定粉紅朱古力
歡迎你 like 我哋 U Food Facebook Page / U Food Instagram ，取得我哋更新更快嘅資訊！
