今次介紹呢間台式小食店唔再喺 2 樓食街，而是於 3 樓近吉野家附近，好易搵！小店門面落足心思布置，門口整到成架鐵製手推車咁，餐牌打直排，又用中國數目字，加上招牌特別字體，台灣味十足。
檔口只有 10 款食物，價錢由 $15 至 $30 不等，主要是 魚蛋、 拌麵及 現燙魷魚為主。
【本土小食】 長洲糯米糍再進化 爆餡抹茶紅豆
古早現燙魷魚 $25
現燙魷魚即是即叫即製，有乜咁特別？一般的魷魚，會預先煮好，再放埋一邊，餘溫再 keep 住「煮」熟魷魚，食落就會又硬又韌，好似咬橡筋咁。呢度即製，魷魚生熟度剛好，有嚼感之餘，質感不韌。
魷魚有 原味、沙茶、麻辣味選擇，推介大家試麻辣味！味道較淡的魷魚，要靠濃味的醬汁！小店的麻辣汁，麻香十足，辣味溫和不嗆。現燙魷魚質地好爽脆，令人食上癮！
拌麵係主打，有 5 款選擇。 「清心拌麵」即是滷水蛋加千頁豆腐； 「搖滾三品」就有花枝條、貢肉條及葱魚條，另有雞肉蝦米餃、燙魷魚及招牌肉燥拌麵。每款拌麵都可以揀原味、沙茶、芝麻及麻辣醬汁。仲有 9 款配料可以追加，$5 至 $10 就交易，豐儉由人。
【暖身之選】 滋潤暖笠笠 許留山有料椰皇燉奶
招牌肉燥拌麵 $30
招牌集齊最台味嘅配料，有肉燥、千頁豆腐、酸蘿蔔及溏心蛋一隻。
麵條以醬油拌勻，沙茶醬好惹味。
溏心蛋超級流心，蛋味香濃。
【精選放題】 板長搞放題！90 分鐘回本攻略
鐵皮車仔上面，放咗一個 6 格嘅爐，入面浸住好多大大粒嘅魚蛋，分別有原味、咖喱、沙茶、麻辣及海苔味。
地道夜市魚蛋 $15
海苔味魚蛋即是在原味魚蛋上，灑上海苔粉。紅油炸嘅魚蛋彈牙唔腥，可惜海苔味唔突出，食麻辣味正啲！
阿佳拌麵
地址：葵芳葵涌廣場 3 樓 303 舖（吉野家隔離）
電話：從缺
營業時間：12nn-9:30pm
文：Jessie 攝：jay
【相關連結】 葵廣情報 update！5 大必去新登場食店
【掃街特區】 跟住星星掃街！深水埗 3 大最正小食
【懶人恩物】 一拉即食 鮮味蟹肉
歡迎你 like 我哋 U Food Facebook Page / U Food Instagram ，取得我哋更新更快嘅資訊！
