咁霸氣叫得「火焰西多士伴雪糕」，又火焰，又西多，又雪糕，梗係要啲時間及工夫準備！甜品師傅話製作需時 15 至 20 分鐘，即點即製。西多士上枱，變咗一個火焰山！大廚淋上酒精，點火，咋一聱，睇住成個蛋白霜着火燃燒，視覺效果一流。唔使驚，好細火啫！而且只係燒一陣。
火焰西多士伴雪糕 $52
分量都幾大，夠兩個女生分享。
【暖身推介】 拉芝！有飯焦！暖笠笠芝士煲仔飯
個蛋白霜做得夠輕身，唔會過甜，裏面仲藏有 Movenpick 嘅 Tiramisu 雪糕（用料好揼本），連蛋白食，口感輕飄飄，又凍又熱，好得意。包圍住火焰山的都係主角，有 9 塊厚多士，整成 cube 形狀，食得方便；老闆建議多士沾蛋白霜食更好味。
西多士係 cube 形狀，內裏有少許花生醬，外層炸得香脆。
老闆建議多士點蛋白霜及雪糕一齊食更好味。
師傅特別準備西多士 糖漿（左）、桂花蜜（中）及煉奶，貼心。
我就試咗一匙桂花蜜，花香味都唔錯。
【精選甜品】 鐵板上！滋滋咋咋冰火 Brownie
另外一款必試嘅係「軟綿綿西多士伴雪糕」，底層同厚度十足厚多士，鋪上大大粒棉花糖，棉花糖用慢火烘烤過，外脆內軟，脹卜卜兼微微帶焦，個樣好 kawaii！切開西多士，讓棉花糖漿融化於多士中間，嗜甜者一定尖叫，好甜囉！
想食呢兩款特色多士就要留意，火焰西多士伴雪糕因需作準備，要提早兩天致電查詢是否供應；而另一款軟綿綿西多士伴雪糕則隨時品嚐。
軟綿綿西多士伴雪糕 $48
棉花糖烘烤過，內裏軟綿綿，另外配 Movenpick 香草雪糕，有熱有凍好得意。
同樣係咁足料，所以 2-3 個人些牙剛剛好。
棉花糖慢慢融化落多士內，好邪惡。
食店座位唔多，不超過 10 個，最常做外賣及宵夜客。
新店開張唔夠一個月，元朗人搵食又有新店揀。
小寶當家
地址：元朗建業街 88 號仁義大廈地下 C 號舖
電話：2698 3188
營業時間：12pm-1am
文、攝：Celia
【本周焦點】 終於嚟喇！辻利茶舖 ifc 插旗
【今日必睇】 跟住星星朝聖 4 間快去米芝蓮餐廳
【今日必睇】 米芝蓮 2017 出爐喇！直擊星星降落
歡迎你 like 我哋 U Food Facebook Page / U Food Instagram ，取得我哋更新更快嘅資訊！
