早幾日逛超市見到呢款南有機南瓜果醬，睇真啲原來係德國百年果醬品牌 MAINTAL 出品，用有機南瓜蓉製，口味有 3 款咁多，包括 蘋果肉桂南瓜果醬、 香橙呍呢嗱南瓜果醬同 薑味南瓜果醬，味道有變化有層次，有南瓜的甜又有果香，統統都啱素食者，最讚係無加防腐劑、人造色素同香料製作，健康啲！
【另類推介】 沖得嚟飲嘅檸茶醬
有機蘋果肉桂南瓜果醬 $32
果醬呈橙黃色，酸酸甜甜，肉桂味突出；唔知可唔可以試用嚟沖果茶？
有機香橙呍呢嗱南瓜果醬 $32
果醬甜甜哋，入口好香呍呢嗱味，食落仲有橙嘅酸澀，用嚟襯呍呢拿雪糕一流。
有機薑味南瓜果醬 $32
用 47% 南瓜蓉同 3% 薑，食落有淡淡嘅薑味，同南瓜味好夾。
南瓜醬 3 大好味用法
南瓜醬可以用嚟搽麵包，醒多你幾個食法：
食法 1︰南瓜湯
材料：
奶油南瓜 1/2 個、薯仔 1 個、牛奶 2 杯、洋葱（切粒） 1/3 個、薑味南瓜醬 3 茶匙、鹽和胡椒粉 適量
製法：
01》把南瓜、薯仔和洋葱切粒，並將所有材料烚至全熟。
02》將所有材料放入攪拌器，加入薑味南瓜醬。
03》打至軟滑即可。
04》完成！
【美食激鬥】 即沖抹茶 Latte 邊款最好飲？
食法 2︰南瓜餅乾，作為下午茶最啱。
食法 3︰南瓜乳酪雪糕，簡單將南瓜醬澆在喜愛的乳酪或雪糕上，即成健康甜品！
售賣點︰
OLIVER'S、ThreeSixty 和部分 MARKET PLACE BY JASONS
文︰Louise、攝︰Lok
【本周必玩】 澳門即將開賣！率先試玩 Mini 版絲帶花可樂！
【相關連結】 打邊爐必備 彈牙南瓜紫薯烏冬
【紫薯狂熱】 堅無敵組合？紫薯芋圓西米露
