7-ELEVEN 軟雪糕於 2007 年前全面退下戰綫，香港人真係好唔捨得㗎！今年初荃灣及金鐘分店再次賣軟雪糕，獨賣 3.5 牛乳口味。可惜兩間分店嘅地點都唔太方便，好多人都與軟雪糕有緣無份。
【今日必睇】便利店獨家 超多口味日本樂天甜品
最近旺角豉油街分店嘅收銀處後面，多咗對好得意嘅牛奶妹、牛奶仔，睇真啲原來佢哋坐住部雪糕機！
分店門口都貼咗軟雪糕嘅 poster，軟雪糕分別有年初推出嘅 3.5 牛乳雪糕，仲有新推出期間限定嘅日本直送宇治抹茶味雪糕！童年回憶在眼前，諗住抹茶、牛乳雪糕各一，點知店員話暫時停賣牛乳味，連同荃灣及金鐘店都只得抹茶味出售。店員再解釋，雪糕機只得一個出口位，所以每次只能賣一種味嘅雪糕，亦做唔到當年嘅雙色扭紋雪糕！噢……
【快餐連綫】 7-ELEVEN 有即製 叉燒芙蓉蛋飯！
安慰嘅係，店員話旺角店人流多，雪糕好快就賣晒要再製作，軟雪糕相對新鮮啲。雪糕筒每兩日送到分店，再放入膠箱內存放。軟雪糕轉足 4 圈半，好大杯！
特選宇治抹茶軟雪糕 $20/ 筒裝、$25/ 配脆窩夫
抹茶粉是日本貨，每日用雪糕機新鮮製作。雪糕聞起嚟有陣陣抹茶香，食落抹茶味卻比較淡，但勝在唔會有苦澀嘅味道，感覺幾清新。軟雪糕又唔會過甜，食完唔覺膩。質地都尚算幼滑，惟有少許冰感及太快融，要快食！$20 係貴咗啲，但回憶嘅嘢，加埋係抹茶，要乖乖掏荷包了。
7-ELEVEN
地址：旺角豉油街 60-104 號
電話：2299 1110
軟雪糕另於以下分店有售：
荃灣 67-95 號荃灣街市街荃灣千色匯地下 G8 號舖
金鐘力寶中心 1 樓 2B 舖
文、攝：Jessie
【懶人恩物】 叮一叮搞掂！全國名選廣島鮮蠔釜飯
【雪糕推介】 真‧菠蘿 + 8.0 牛乳雪糕 邪惡菠蘿包三文治
【抹茶狂熱】 京林屋抹茶甜品 限時買一送一
歡迎你 like 我哋 U Food Facebook Page / U Food Instagram ，取得我哋更新更快嘅資訊！
