咁得意嘅意念，唔係來自高級餐廳或中菜館，而係呢間隱藏喺市政大廈熟食中心、叫「兩合」嘅火鍋小菜檔口內。
【相關報導】
紅磡．掃街
齋睇裝置已經好搞鬼，電爐上有一個鍋，用來打邊爐，鍋中間又有一條似煙囪嘅管，管上再加一個蒸鍋！點玩法？上層用來蒸海鮮，下層打邊爐，當上層蒸完海鮮後，海鮮汁會透過中間不銹鋼嘅窿窿管道流落下層嘅火鍋，令火鍋湯底集齊海鮮精華，更鮮味，真係一滴海鮮汁都無浪費㗎！當坊間舖頭先食完蒸海鮮再打邊爐，呢度就可以同步進行，烚住火鍋料一邊食一邊等海鮮蒸好，慳番好多時間。
店子有埋自家海鮮檔，目測都有廿多款， 海魚、 龍蝦、 瀨尿蝦、 蜆……款款生猛新鮮。
老闆教路，如果食蒸海鮮，火鍋湯底最好揀 芫茜皮蛋湯等常見湯底，湯底太濃味會搶奪海鮮鮮味，而小編就揀咗 番茄薯仔湯底 ($78)。
【相關報導】
全港最 FANCY！2.5 小時任食台式火鍋
全港最 FANCY！2.5 小時任食台式火鍋
店員開火並加入火鍋湯底連湯料！等火鍋湯底滾起，上層嘅蒸鍋亦差不多可以加海鮮喇！
海鮮 $268
人少少想食海鮮有乜選擇？可以請店員代你揀選。分量會按人頭揀選，每人大約百多元；好似呢個二人份量嘅海鮮小拼盤，就有鮑魚、蜆、花甲、胭脂蚌、泥鯭和蝦，花款都算多元化，人少少都可試多多款。
蒸海鮮最最最重要就係時間，最好將快熟嘅海鮮一齊蒸煮，建議將蜜糖蜆、花甲、胭脂蚌一齊蒸，大約 4-5 分鐘左右就食得！蜆和花甲都多汁鮮甜，胭脂蚌爽口。
【相關報導】
《舌尖 2》好貨！重慶老火鍋登陸
《舌尖 2》好貨！重慶老火鍋登陸
火鍋紙選擇唔選好多，但大路的火鍋料都有齊，每碟 $30 起。
雪花肥牛 $30/ 碟
肥牛的肥瘦分布不算均勻，但尚算有牛味。
黑豚肉 $30/碟
黑豚肉肉質軟滑，片得薄薄的，一汆即熟。
脆鯇片 $38/ 碟
切得厚薄適中，新鮮爽脆有魚味。
落完單，首輪海鮮可出鍋喇，見到蜜糖蜆、花甲隻隻都打開晒殼，即係食得！味道超鮮甜，蚌肉、花甲肉亦很彈牙，仲帶少許天然海水鹹味，唔使點任何醬汁就好味，正！
【相關報導】
今晚去快餐店打邊爐！邊間好？
食完首輪海鮮，再蒸埋蜜糖蜆、花甲、鮑魚、泥鯭及蝦。
店員開心 share 話，只要鮑魚肉變成象牙白色就食得；鮑魚肉厚實，質感彈牙，好 chewy。
清蒸泥鯭細細條，但係好鮮甜，而且泥鯭肉很嫩滑，因為夠新鮮，唔腥。
蝦超級新鮮，灼熟後蝦肉爽彈帶甜味。
食晒海鮮之後，店員會幫你拎走上層嘅海鮮蒸鍋，繼續開心打邊爐，yeah！
|
食後感：
蒸氣鍋控、邊爐精、海鮮控都一定要試下！海鮮夠靚又夠鮮，小編採訪當晚就見到不少客人都係帶晒啤酒，邊食海鮮邊啤一啤，「佬」味十足！氣氛好高漲熱鬧！唯一要彈就係客人需自行計算蒸煮海鮮嘅時間，如果舖頭有個蒸煮海鮮嘅 guideline 就 perfect 喇！
|
文、攝：Joyce
