巴黎風！靚啡 x 法式下午茶

巴黎印象，就係隨意又浪漫；餐廳貫徹自己 style，用木酒箱盛載部分精緻美食，感覺率性，無論係咩主題，都係自拍重點。法式下午茶，預咗玩精緻，件件做得的骰精巧。而下午茶的亮點，還有兩款主角咖啡—— 焦糖濃縮咖啡（Espresso Caramel Capsule）」及呍呢嗱濃縮咖啡（Espresso Vanilla Capsule），以特濃縮的 Espresso Forte 作基調，仲係由 Nespresso 的品牌大使 Mark Mak 特地為餐廳炮製，即日起到 11 月 20 日凡點選 tea set，就可以加 $18 配一款 coffee-tail，價錢唔貴飲得過。

Coffee-tail

兩款新 coffee-tail 很有心思；紅岩鹽焦糖咖啡面層豐厚泡沫帶鹹味，見到粒粒喜馬拉雅山粉紅岩鹽，配埋焦糖咖啡，鹹中帶甜層次特別。凍飲呍呢嗱茉莉意大利泡沫咖啡，以呍呢嗱濃縮咖啡作基調，加入茉莉糖漿及蜜糖，熱定凍飲都好香甜。過咗下午茶推廣期，即係 11 月 20 日設單點，每杯 $58，吃下午茶時順道飲埋最抵。

法式三文魚啫喱

下午茶先吃鹹點，大部分都放在三層架上；法式三文魚啫喱，是餐廳名菜龍蝦喱的變奏版，食落涼浸浸，滑嘟嘟，像白汁香草醬，又食到新鮮三文魚，好特別。

磨菇鵝肝醬

唔似一般下午茶配麵包，軟滑鵝肝醬配磨菇，新鮮感十足，一咬仲爆汁！以焦糖洋葱點綴，甜甜。

豬肉泥配法式麵包

是巴黎的地道風味小食，將豬肉泥做成波波粒，放於鬆脆的多士上，還配上特色酸瓜，好似巴黎人食的豬肉醬三文治。

甜點呢？既然同咖啡做 crossover，部分甜點亦加入咖啡元素。比較特別係朱古力咖啡醬忌廉，本身法國人喜歡當飲品，糕餅師則改良成稠身甜點，用 64％ 濃度黑朱古力及焦糖醬，配上濃縮咖啡，coffee X dark chocolate 配搭不敗，口腔充斥可可香。下午茶中還有多款法式甜品，好似蘋果肉桂慕絲、傳統貝殼蛋糕、鬆餅等，款款都貫徹法式精緻個性，令女生不捨得吃。

朱古力咖啡醬忌廉

蘋果肉桂慕絲

用清爽的青蘋果、肉桂及桂花糖炮製，酸甜味道交雜，點睛處是加入檸檬製作，有淡淡檸檬香，甜而不膩。

傳統法式檸檬貝殼蛋糕

法國人特別喜歡貝殼蛋糕，蛋糕入口夠濕潤柔軟，面層朱古力片用 55% 濃度朱古力製作，估唔到同檸檬味咁夾。

下午茶唔少得食 scones，有傳統原味及提子鬆餅，沒有法國人口味的乾身，反而做得鬆軟濕潤，好好吃。

餐廳內地方雅緻，好配合法式風情。

Seasons 門口是酒吧，再往內走是用餐區，地方更大。

「巴黎印象」下午茶

供應時間：3pm-5:30pm

收費：$248/ 位、$468/2 位 （設加一）

註：隨餐包咖啡、花茶飲品，其餘飲品需額外加錢點選。

Seasons by Olivier Elzer

地址：銅鑼灣恩平道 28 號利園二期 3 樓 308 號舖

電話：2505 6228

營業時間：12pm-10:30pm

文：Celia、攝：Nova

【相關報導】
去最新 M&S CAFE 平歎英式下午茶
紫色控必試！ ANNA SUI 仙氣下午茶

歡迎你 like 我哋 U Food Facebook Page / U Food Instagram ，取得我哋更新更快嘅資訊！