這塊「大得驚人牛小排」是來自「Futago 大阪燒肉」，舖頭來頭不少，在日本全國有超過 20 間分店，橫掃台灣、紐約及新加坡，香港亦有兩間。呢款名物已登陸香港兩年多，但仍然高居食客榜 no.1！牛小排選用日本和牛牛肋排，用尺度一度，有 24cm 長，拎起度一度，真係大過我塊面！
用尺一度，牛肋排有 24cm 長。
放上塊面比一比，真係大過我塊面！
牛小排脂肪和肉分布平均，中心部分油花密麻麻。如果怕自己 handle 唔到浪費靚牛，可請店員會代你燒。每次燒之前，店員仲會用日文帶領大家大叫：「預備，用力衝吧！」口號，現場氣氛好高漲！
大得驚人牛小排 $178
牛小排重約 200g，牛脂分佈平均，店員仲會邊燒邊講解各部位的口感。不過，呢款牛小排是需要預約先食得到，每天各店限售 20 塊，如果即興 walk in，可能會失望而回。
店員會細心將牛肋排分成肋眼心、牛肋條、背蓋肉等幾個部分，並講解不同部位的口感，食前塗上山葵鹽漬醬，提升味道，肉香、油脂爆破，牛味在口腔久久不散，大滿足！
咁大塊又咁薄，放上爐上燒，的確很難控制火候。
塗上山葵鹽漬醬，令牛味更提升。
除咗特大牛扒外，真心推介芝士黑豚肉腩洋葱圈 ，用日本黑豚肉腩包裹洋葱及芝士，圈圈形狀成個冬甩咁，放上爐一燒，即有爆芝效果！一口咬落，豚肉腩香脆，洋葱的清甜與微辛滲出來，中和芝士與豚肉腩的油膩，做到肥而不膩的感覺。
芝士黑豚肉腩洋葱圈 $78
洋葱與芝士以黑豚肉腩包着，放上爐一燒，即有爆芝效果，食落外層香脆，豚肉爽口甘香，加埋鹹香芝士，好惹味！
燒一陣，就見到有芝士滲出來，香噴噴！
餐後附送酸奶幫助消滯，貼心。
Futago HK大阪燒肉
地址：尖沙咀棉登徑 8 號地下 14-16 號舖
電話：2374 1038
營業時間：12nn-3pm、5:30pm-10:30pm
文、攝：Theo
歡迎你 like 我哋 U Food Facebook Page / U Food Instagram ，取得我哋更新更快嘅資訊！
