繼早前萬聖節限定版南瓜朱古力味薯條後，早幾日日本麥當勞又推出萬聖節女巫薯條，今次就將南瓜換上紫薯醬，無錯！係紫！薯！醬！真係太過份喇！(IG：natsugoon)
此外，適逢今年布甸狗 20 歲，早前日本麥記就預告將推出主題美食，包括布甸狗漢堡、雞塊沾醬、麥旋風、焦糖布丁等，粉絲望到頸都長！喺 10 月 14 日，已率先推出布甸狗麥旋風喇！同時更隨兒童套戲附送共有 8 款的廚房工具，無論作為麥記還是布甸狗粉絲都好忙。
麥旋風的味道是呍呢嗱雪糕，加上焦糖、卡士達醬及棉花糖，睇見真身都覺得吸引。而日本人表示食起來不會過甜，非常好食。提提你，呢款限定麥旋風只會做到 11 月中，過咗就冇喇！(IG：tsukushi.cafe)
做得布甸狗限定產品，包裝當然唔可以馬虎，用來裝麥旋風的杯，除了印上次大布甸狗樣外，背面亦有一只布甸狗攞住雪糕，真係得意到連個杯都想儲埋。(IG：dearlittlecookie)
日本麥當勞同日亦推出附送布甸狗廚房小工具的兒童餐，一共 8 款，當中包括記事簿、打泡器、量杯、布丁模型、小吃杯及小湯匙等，每款都加上布甸狗樣勁卡哇伊，個人最鍾意就係小吃杯，有無人可以幫我帶返嚟呀！(IG：tsukushi.cafe)
文：Froggie
歡迎你 like 我哋 U Food Facebook Page / U Food Instagram ，取得我哋更新更快嘅資訊！
