呢間咁抵食的「贊和」豆花店其實喺荃灣路德圍附近，舖頭全綫豆腐花賣 $5，口味有好多選擇，好似冰糖、薑汁、桂花冰糖、薏米白果、紅豆沙、綠豆沙、花奶、黑芝麻……雖然佢旁邊都有另一間荳品店，熱豆花同樣只賣 $5 ，但「贊和」勝在冷熱同價。$5 實在無得可以再抵，每次經過，呢兩間舖都有條長長人龍。
豆花選擇超多。
凍薏米白果豆腐花（左）$5、熱黑芝麻豆腐花（右）$5
要慳到盡，當然就梗係點原價 $8 的「有料」豆花，今次就揀咗凍薏米白果豆腐花及熱黑芝麻豆腐花，凍的係飯碗 size，而熱的就大碗啲，用公雞碗載，感覺更抵。
雖然價錢平，但兩款都足料，絕對無將貨就價！主角豆腐花，食到黃豆味，配料味道偏淡，好處係唔會蓋過豆味。整體質素屬正常水準，但若以 $5 呢個價錢嚟講，性價比好高了。
呢度亦有黃糖、薑糖、冰糖水及桂花糖水任加；真心講，若然人人都加幾羹，$5 我真係覺得舖頭連糖都蝕埋呀！
贊和豆品
地址：荃灣荃興徑6號昌泰大廈地下5A舖
電話：從缺
營業時間：11am - 12:30am
文、攝：Froggie
歡迎你 like 我哋 U Food Facebook Page / U Food Instagram ，取得我哋更新更快嘅資訊！
