為打風準備！今日去「759 阿信屋」入貨，見到貨架上有呢款罐頭麵包，標明拉蓋即食，好得意喎！睇睇價錢，我是眼花嗎？盛惠 $70！
咁架勢，即刻引發我嘅好奇心！有「酥化甜麵包」、「楓糖酥化麵包」及「朱古力酥化麵包」3 款口味；睇睇包裝，係日本的 Izameshi 出品，品牌專門製造即食及防災食品，呢 3 款麵包的賞味日期同時去到 2019 年，應該屬於防災食品。唔好以為防災食品質素一定差，拉開罐頭蓋，一陣超香的麵包味即時散發出來，賣相似酥皮丹麥麵包咁，食落幾鬆化，而且牛油味都幾香，不過有點乾身，始終唔夠新鮮麵包咁有彈性。個人心水係朱古力及楓糖味，香香甜甜，用嚟配雪糕幾好味。$70 一罐係貴咗啲，但宅男宅女打風唔想無嘢食，可以考慮買番罐看門口。
罐頭是揭蓋式設計，容易拉開，麵包以牛油紙包裹，感覺衛生。
賞味期限去到 2019 年，個人覺得應該是日本的防災食品。
酥化甜麵包 $70
因為酥皮關係，食落幾鬆化，味道好似排包一樣甜。
楓糖酥化麵包 $70
好香楓糖味，味道亦有蜜糖本身的清甜。
朱古力酥化麵包 $70
3 款味道中，我最愛朱古力，可可味香濃，又不會太甜。
INFO
售賣點：759 阿信屋
售價：$70
文、攝：Theo
歡迎你 like 我哋 U Food Facebook Page / U Food Instagram ，取得我哋更新更快嘅資訊！
