MUJI bakery 去年首度登陸香港，到今年在奧海城開設第二間分店，逐漸發展出自己風格，自家創作的麵包佔約 7 成，還推出麵包 collection，按季節轉換，日本店都無㗎。
繼早前上場的白味噌系列、蔬菜系列，今個秋冬就換上櫻花蝦、冬菇及奇亞籽做主角。麵包師傅話：「麵包主題會揀選時令食材，像櫻花蝦，每年 10 至 12 月、3 至 4 月最當造，菌類如冬菇也很適合這季節。」還因應健康食潮，找來奇亞籽，脆脆口感豐富麵包層次，材料不止做餡料，還會演變出不同形態，像櫻花蝦會磨成粉末，撒上麵包表面，甚有中式蝦子 feel。冬菇呢，心機亦不少，浸水、切粒或片，焗香後才去做包，亦會混進麵團內烤焗，嘗到多種質感。
店子選用很多日本食材，像麵粉、本和香糖及部分蔬菜等，麵包有日式、歐式，前者香軟，後者煙韌綿密。師傅會因應食材製作，像櫻花蝦跟日式甜麵包較配合，奇亞籽則最襯法包，冬菇百搭，歐式日式皆宜，3 個系列共有 12 款麵包，預計 10 月中登場，將輪流在奧海城店、灣仔店供應。
芝士金磚多士 $25
健康版西多，以焗代替煎/ 炸。兩片方包內外均塗滿自家用本和香糖、牛油、忌廉及 mozzarella 混合的醬料，焗到香噴噴，甜而不膩。
（前左）奇亞籽昆布芝士法包 $20
西日完美混搭，法包內竟是日本昆布，面層更有車打芝士及奇亞籽，吃下卜卜脆，還有種子的香味。
（前右）櫻花蝦秋葵長芋包 $18
日本長芋也是時令食材，包內有長芋蓉及原條秋葵，表面則撒滿櫻花蝦磨成的粉末，烘焗後很香濃，麵包鬆軟微甜，秋葵、長芋則帶黏黏的口感。
（後左）冬菇洋葱芝士法包 $18（11 月推出）
圓鼓鼓的麵包，咬下是法包質感，混合粒粒烘香冬菇烘焙，配搭軟滑白汁及芝士粒，香脆又 creamy。
（後右）冬菇意大利軟心包 $15（11 月推出）
Ciabatta 外皮脆，質感煙韌，混入烘香的冬菇做餡，簡單美味。
Café & Meal MUJI
地址：奧海城 2 期地下 K01 - 10 號舖
電話：3971 3240 Bakery
營業時間：星期一至五 11am - 9:30pm， 星期六、星期日及公眾假期 10am - 9:30pm
原文摘自 U Magazine ISSUE 567
歡迎你 like 我哋 U Food Facebook Page / U Food Instagram ，取得我哋更新更快嘅資訊！
