可口可樂最近出了新包裝，罐裝原味、Zero 同健怡可樂全部改晒紅色圓點設計，再配紅、黑、銀 3 色。旺角朗豪坊呢部可樂汽水機就係玩呢 3 隻顏色，只要你身穿紅、黑或白嘅衫，就送你一罐可樂！
點玩法？ 可口可樂呢部汽水機內置時尚「紅」人測試，去到機前，scan 吓你着得有幾「紅」，就請你飲 330 毫升罐裝可樂，3 款選擇包括原味可口可樂 、 零系可口可樂或健怡可口可樂 ！
話晒紅色係 Coca-cola 主色，所以第一關佢先會 scan 下你身上有無紅色元素，如紅色衫、紅色袋。如果你身上零紅色嘅話，部機會彈句︰「你要再紅啲！」出嚟，咁呢 round 就無可樂嘞！
不過唔使失望！工作人員可以即時 pass 一啲可口可樂嘅紅色圖案道具畀你加紅，好似汽水樽、可樂罐、 Coca-cola logo 等。
scan 一 scan ，汽水機會綜合你身上服裝顏色，「碌」出一罐最代表你嘅可口可樂口味。
如果你着白色衫，汽水機感應到白色係紅色以外第二主色，就會出一罐銀色健怡可口可樂，紅色元素超多會出原味可樂，紅色搭上黑色元素就出 Zero，想要咩可樂就着咩色衫嚟玩啦！職員話暫時係無 quota 的，排隊玩 3 次就可集齊 3 款啦！
同場仲有「經典可口可樂展覽」，展示十多罐自 80 年代起在香港出售過的經典可口可樂罐身設計，可樂迷必睇！
可口可樂 時尚「紅」人大測試
日期︰即日至10 月 23 日
時間︰12nn - 10pm
地址︰旺角亞皆老街 8 號朗豪坊 7 樓 (Timberland 對出位置)
費用：全免（可樂數量有限，送完即止）
文︰Louise、攝：Ricky
歡迎你 like 我哋 U Food Facebook Page / U Food Instagram ，取得我哋更新更快嘅資訊！
