維記迷你裝榴槤雪米糍 $9/4 粒
維記雪米糍喺 9 月頭先推出綠茶味，咁快又有新口味！真係每次行入便利店都要細心睇吓個雪糕櫃至得！不過呢次新口味唔係大大粒嘅雪米糍，而係一盒 4 粒嘅 mini 版。
打開個盒，4 粒 mini 雪米糍分別以獨立包裝處理！至啱平時想食一粒，過完口癮又可以放返入雪櫃。唔使好似大粒版咁，一打開個包裝就要食晒兩大粒！
沾上少許糯米粉嘅外皮仍然 keep 到水準，一樣係咁皮薄餡靚，咬落煙韌但唔糊口。榴槤味唔係好濃，奶味重，好在雪糕甜度唔算高。不過咬多兩啖，榴槤味有少少畀外皮嘅味道蓋過。不過味道淡淡哋，好處係唔怕臭親隔離！我係重口味榴槤迷，一次過食晒 4 粒先夠滿足！
售賣點：
Circle K、7-ELEVEN
文、攝：Jessie
歡迎你 like 我哋 U Food Facebook Page / U Food Instagram ，取得我哋更新更快嘅資訊！
