想知道自己係咪抹茶控，其實好簡單。有無發現不時見到綠茶食物或飲品，上面寫着「抹茶」、「焙茶」等字眼？知唔知三者之間有乜分別？去過香茶房，聽過老闆解說，就一清二楚：我們經常飲用的綠茶分幾類，「煎茶」用新鮮菜摘的茶葉來烘焙，帶有茶香和回甘味；「抹茶」是由「碾茶」製作，又稱「覆下茶」，在採摘葉之前兩三星期，茶樹會被覆蓋特意產生更多糖份，令抹茶變成非常濃郁的綠茶，有如咖啡的 espresso，研磨成粉末，便成了有回甘而不苦澀的抹茶。至於「焙茶」，則是烘焙過的日本煎茶，茶葉色澤金黃，因為結過高溫烘焙，茶葉中的咖啡因容易揮發，日本人都愛在晚上飲用，不怕影響睡眠。
用「備前燒」水壺、茶杯盛水及泡茶，味道份外鮮甜，加上用茶筅輔助攪拌抹茶粉，更能輕易均勻溶解抹茶粉末，充分發揮茶味。
岡田先生示範用茶筅泡茶，先加入室溫水，再用茶筅打發至沒有微粒；然後才加入 50 至 60cc、約攝氏 90 度的開水，再打發 1 分鐘左右便完成。茶筅 $180-$220。
香茶房的出現，就係想大家飲得「Pro」啲。日籍老闆岡田先生家鄉在日本靜岡，店中售賣的靚茶都是他走訪家鄉不同茶園搜羅；日本人向來老實，茶葉不靚不賣，在這裏就可以買到坊間少有的頂級抹茶、綠茶和焙茶產品。以前我對綠茶認識，只流於日本餐廳那些不太苦澀而有回甘出品，到訪茶房後，就感受到綠茶高深變化！見岡田先生用茶碗和茶筅沖泡一道「山政小山園—葉室の昔」抹茶（$88-$300/ 30 克），飲落先有一道濃烈草青味，繼而湧出一股鮮甜味，而只有至上盛皂綠茶才能釋放這種日本人稱為「Umami」的味道，意指「來自海的味道」。
除了茶外，這裏亦有茶味曲奇、蛋糕、抹茶醬、雪糕等售賣，啱晒心多多嘅香港人；找一個下午，來同岡田先生傾幾句，做一個真正的綠茶控！
「玉露極樂」 $320/50 克
在日本售價不便宜的「玉露極樂」，是頂級上盛的煎茶，就算沖泡兩、三次都有不同層次味道，比起「山政小山園」抹茶，其「Umami」更為突出，沖泡時記得跟指示用攝氏 50 度的水溫便可，不可用過熱滾水，以免破壞茶味。
與抹茶甜品專家「Chef Tiff's kitchen」合作製造的「特濃宇治抹茶抺茶醬」（$56/50 克），在香茶房獨家寄賣。另外與 Cafe Life 合作製造的京都抹茶牛油蛋糕（$27），中間夾雜淋身黑豆，口感豐富。
由茶房供應綠茶粉，香港製造的抹茶 X 北海道牛奶雪糕，香濃又有奶味，另外有 Sake、黑豆、柚子、焙茶味道，口味特別又多選擇；一般味道 $20/杯，Sake 味 $25/ 杯。
柚子曲奇 $32/10 塊、柚子綠茶 $78/ 包、柚子蜜 $108
老闆話今年柚子產品反而更受歡迎，茶房的柚子產品選用實生柚子製成，即由原生種子長出來的柚子，需經 18 年才長成樹，柚子食落味道有層次，果香濃郁，好 refreshing。
明愛天糧 La Vie 曲奇餅 $32/10 塊
與社企「明愛天糧 La Vie 」合作生產的曲奇餅，部份用料由茶房供應，食落用料夠又鬆脆，想幫助社企殘疾人士可以支持吓。
備前燒茶壺 $2,200、備前燒水壺 $1,100、備前燒杯 $380-$430
備前燒是用紅木燒成的陶器，泥土需放在陶井中蘊釀 10 年才用來製成器皿，極為珍貴，除了品茶更可用來飲清酒、咖啡，陶泥中的「離子」會淨化水質，改善飲品味道，我試過真係好神奇。
店仔細細，但所有同綠茶有關的用具都一應俱全，是間專業的茶屋。
香茶房
地址︰香港中環租庇利街1號喜訊大廈606室(總店) / 上環皇后大道中 378 號褔陞閣商場 17 號地舖（分店）
電話：從缺 (可到 facebook inbox 查詢)
營業時間：11am-7pm （星期日休息）
Facebook：https://www.facebook.com/Kaorisabo/?fref=ts
文：Celia、攝：Brian
歡迎你 like 我哋 U Food Facebook Page / U Food Instagram ，取得我哋更新更快嘅資訊！
