假日滬菜放題係灣仔嘅「上海佬蟹莊」推出，只做午市，由於人多關係，仲分咗兩輪。放題款式選擇超多，而且都是多人愛吃的花款，冷菜有蒜香手拍小黃瓜、七味豆腐、怪味雞、四喜烤麩、麻辣豬耳等，湯羮我一定揀酸辣湯，主菜有 5 款，香口嘅有回鍋肉，開胃嘅有菠蘿咕嚕肉，如果鍾意酸同辣，必試川椒子雞和糖醋魚片。
不過最人氣的，一定係點心！頭號目標係灌湯小籠包和紅油抄手！點心做得精巧，好似蘿蔔絲酥餅，做得層層分明鬆化，內餡味道又調和，好好吃！唔夠飽，仲有多款飯麵選擇，上海粗炒有鑊氣，三鮮炒年糕塊塊爽落，煙韌又惹味。不過點飽都好，都要留肚吃甜品，都是滬式的，包括擂沙湯圓、桂花酒釀圓子、薑茶湯圓、桂花糕等。
3 大回本位！
放題每位 $148，真心抵！好想試？我就試咗喇！率先話你知三大回本位！
1. 灌湯小籠包
平日食小籠包，起碼四五十蚊一籠，放題任食真係抵！食嘅雖然唔係華麗蟹粉小籠包，但小籠包做得好，皮薄得來有韌性，可以盛住湯汁，一咬即爆湯！豬肉餡很鮮甜有咬口，湯汁惹味，源源出爐，吃時小心燙嘴！
2. 心機手工菜
上海菜當中，有不少考大廚功力兼花工夫嘅心機菜，大家都唔好錯過。好似怪味雞，一碟雞有齊甜、酸、苦、辣、鹹 5 種味道；蘿蔔絲酥餅即叫即炸，酥皮足足有成 10 層，食落既有鬆脆感，又有蘿蔔嘅清爽；還有四喜烤麩，統統值得一試。
怪味雞
蘿蔔絲酥餅
四喜烤麩
川椒子雞
3. 中式經典甜品
即使飽到捧住肚，都要試埋窩心甜品。如果不是食上海菜，平日很少機會吃到滬式甜品，今日可一次過食盡！擂沙湯圓、桂花酒釀丸子、柚子桂花糕、薑茶湯圓，做得地道；我最喜歡柚子桂花糕，柚子嘅微酸很醒胃，配埋桂花糕，清香又清爽。
柚子桂花糕
上海佬
地址：灣仔杜老誌道 5 號 1 樓
電話：3125 3232
供應日期及時間：逢星期六、日及公眾假期 11:30am-1:30pm、1:45pm-3:45pm
收費：$148/位，另設加一
註：另茶芥 $15/ 位
文：Joyce、攝：Nova
歡迎你 like 我哋 U Food Facebook Page / U Food Instagram ，取得我哋更新更快嘅資訊！
