中秋節送禮，第一時間想到月餅同生果。不過將心比己，我自己收月餅都收到怕怕，食得多仲會滯㖭！最近去「茶。家廚房」歎茶，就見到有一個超靚中秋花籃！驟眼看一點都不像傳統禮籃，反而似花藝盆栽擺設！
原來係由「teakha kitchen 茶。家廚房」同「Flos on the Folk」合作搞嘅新意思，為應節首度製作中秋花藝 hamper。設計圍繞著節日氣氛，Flos on the Folk 的 art director Vanessa 指特別挑選中國味道濃厚的鮮花，如煙花菊、蓮蓬、白薑花等襯托；配上中式蒸籠、竹籃等做花盆，有藝術感得來充滿中國色彩，感覺一啲都唔老套。
Hamper 內裏有甚麼？不是大路的月餅生果，而是曲奇、手工餅乾和茶葉，全部都經精挑細選，好像手工餅乾選台灣南投出產的，餅上以佛手柑點綴，精緻得唔捨得吃；玄米抹茶手工餅乾則使用 300 年歷史「京都一保堂」的抹茶粉製作，茶味香濃；配埋精選茶葉，中秋賞月時享用固然好，就算過咗中秋，作為茶點亦一流。
「The Harvest Moon 花滿 茶圓」 $1,180（即日至 8 月 31 日早鳥價 $1,080）
用中式蒸籠做花盤，感覺傳統，再插上煙花菊、黑莓、乒乓菊、黑種草等，鮮艷而低調；花盤下放着 3 種口味曲奇及一樽茶葉，分別有香橙紅玉手工餅乾、玄米抹茶手工餅乾及森林紅茶手工餅乾，配桂花烏龍茶葉，除了抹茶曲奇採用京都一保堂茶葉製作，其他茶葉都使用台灣南投紅茶葉，清香撲鼻。
「The Lotus Moon 清藕 儒茶」$780（即日至 8 月 31 日早鳥價 $700）
使用平日放茶具的竹籃做花盤，插上蓮蓬、繡球籽、貓眼、白薑花等植物，蓮蓬及薑花十分清雅，秋意濃濃。這款花籃只有雪牡丹茶葉，屬於白茶一種，因未經發酵味道較淡，但聞落有陣陣蘋果花、雪牡丹等花香味，配對花籃上鮮花，好 refreshing。
「花滿 茶圓」選用台灣南投出產紅茶製造曲奇，而樽仔茶葉是桂花清茶，優雅清淡最合秋意。
煙花菊鮮艷又傳統。
香橙紅玉手工餅乾使用南投紅茶及佛手柑製作，再加上一片橙乾，食落酸甜清新。
森林紅茶手工餅乾亦用南投紅茶製作，是為了支持南投地震受影響茶農而購入，有意義。
玄米抹茶手工餅乾使用 300 年歷史「京都一保堂」抹茶粉製作，餅上舖了玄米粒，食落好鬆化。
桂花烏龍茶葉
「清藕 儒茶」內只有茶葉，蓮蓬非常搶眼。
白薑花清麗脫俗，傳統感覺濃厚。
雪牡丹茶葉屬於白茶一種，未經發酵又有陣陣蘋果花、雪牡丹等花香味，令人想起秋天。
teakha kitchen 茶。家廚房位於西環，地方寬敞、優雅、舒服。
見到兩款咁靚嘅中秋花籃，有無想過 DIY？想製作自己獨一無二嘅花籃作品，可以參加 9 月 7 日舉辦「中秋佳節花藝作坊」，詳情如下：
中秋佳節花藝作坊
日期：9 月 7 日（星期三）
時間：7:30pm-9pm
地點：西環保德街 18 號地舖（茶．家廚房）
費用：$880 （包括所有花材、花器、工具、茶和手工餅乾）
茶．家
地點：西環保德街 18 號地舖
電話：3956 9009
營業時間：11am-7pm
註：
(1) 中秋 Hamper 最少 3 日前預訂。
(2) 訂購方法：可致電 6204 2517 或於 discover@plantation.hk 及 flosonthefolk@gmail.com 訂購
文：Celia、攝：Ki
歡迎你 like 我哋 U Food Facebook Page / U Food Instagram ，取得我哋更新更快嘅資訊！
