咁得意精美嘅甜品，係來自元朗甜品店 Wins Goodies。老闆 Wins 曾於 Ritz-Carlton 和九龍香格里拉大酒店當過行政餅廚，經驗技術創意澎湃，不時都會推出極度吸睛又好味的甜品。最近佢又有新出品！創作咗一系列 5 款用樽仔載住嘅芭菲，細細樽方便拎住食，透明樽身仲見到餡料層層疊，好吸引！「現在大家都相機先食，除咗好食之外，賣相都相當緊要，用瓶子裝着這些甜品，一眼看得出層次，睇落又靚。」Wins 說。
口味配搭環繞住夏天，好似 Summer Delight，底層有鎮店的蝴蝶酥，仲有鮮藍莓果醬、呍呢拿 mousse、雜莓 mousse等，果醬同 mousse 都係自家製，果香鮮活，mousse 質感又幼滑，紫藍色調女生應該會鍾意。幾款當中，有一款賣相特別唔同，就係 Fresh Fruit Lime Jelly，頂部和底部都係呍呢嗱 mousse，中間有層厚厚嘅啫喱，原來係青檸口味，配以雜果，so refreshing！Wins 亦會做些大熱口味芭菲，好似 Tiramisu 、芒果和一口 brownies 口味，每款配搭不盡相同，每款都有自己個性，保證大家揀到心水。
（左）Summer Delight $36
上層是自家製的藍莓醬，食得出藍莓的微酸，下層的呍呢嗱 Mousse 中和了酸味，口感 creamy；第三層有朱古力蛋糕再配搭雜莓 Mousse，再吃最底層的蝴蝶酥，層次超豐富！
（右）Mango Delight $36
上層的粒粒芒果很甜，呍呢嗱 Mousse 與綠茶蛋糕好夾，配上鮮芒果做成的 Mousse，感覺一樣咁夏日。
(左)Tiramisu $36，上層是咖啡啫喱，再吃一口雲呢拿Mousse中和了苦味。
(右)Fresh Fruit Lime Jelly $36，充滿夏天感覺，上層的雲呢拿Mousse，與中間的青檸碎啫喱及雜果，酸酸甜甜，很夾，趕走了夏天的悶熱。
Wins Goodies
地址：元朗又新街 33c 號 9 號地鋪
電話：5545 8328
營業時間：星期二至日 2pm-6pm、7:30pm-12mn，星期一休息
歡迎你 like 我哋 U Food Facebook Page / U Food Instagram ，取得我哋更新更快嘅資訊！
