向來多街坊店子的地帶，最近多了位「新成員」24 Foodstation，老闆是對年輕夫婦 William 及 Celia。開業約一個月，已有街坊、網民留言讚食物有 heart，服務好，兩口子雖不是廚師出身，但 William 笑說最鍾意食，一直夢想開間食店，作為太太的，也樂得夫唱婦隨，更一起到餐廳打工，吸收經驗才開店。
這店前身是鋁窗公司，經重新裝修後，變成小清新 Cafe。白調子看得舒服，擺位也闊落，木系餐桌椅好 homey，這裏也確受家庭客歡迎，不時有父母推着 BB 車、或一家大細來開餐，店內白色啤啤熊公仔，氹得小朋友好開心，收銀機下是塊黑板，可讓大小朋友齊齊畫畫，發揮創意。
兩夫婦分工合作，William 掌勺，Celia 則負責樓面，食物選擇暫時不多，有沙律、意粉、飯及漢堡包，全日供應套餐，連汽水及餐湯，每份 $65，weekend 則另有 special menu，增設 All day breakfast 及小食。最多人 Like 的「安格斯牛肉漢堡包」，選新西蘭貨，肉味較濃，沒美國牛的油膩。漢堡扒雖是來貨，但每塊重約 150 克、厚約 1.5 厘米，內裏混合洋葱粒；麵包也精挑細選，幫襯附近街坊麵包店「生命物」出品，特別為店方 tailor made 的甜餐包新鮮鬆軟，帶微甜，正好中和濃味肉扒，配搭原塊車打芝士、番茄、生菜及洋葱等，分量不少，還棄薯條改配沙律，希望食客食多啲菜食 light 啲。
意粉煮得軟硬適中，分量也多，醬汁如白汁、香草番茄汁都是自製，實實在在的味道，沒花巧。小店的好處就是可以即興發揮，像採訪當日，William 購得新鮮菠蘿，便加上蟹肉、煙肉炒飯，來個「菠蘿蟹肉炒飯」，還有杯 Off menu 的金沙奶昔，隨和的他笑言只要廚房有材料，都能滿足客人要求，好似返屋企食飯咁窩心。
經典 #24 安格斯牛肉漢堡包配沙律 $65（連汽水及餐湯，轉檸檬茶加 $5）
甜餐包很鬆軟，跟新西蘭安格斯漢堡扒中和一下，車打芝士原件買回來切片，份外濃香，自製番茄汁 creamy，原來混合了蛋黃醬，甜酸度剛好。
煙燻三文魚及蜆肉馬蘇里拉芝士香草番茄汁意粉 $65（連汽水及餐湯）
大片挪威煙燻三文魚伴碟，蜆肉意粉帶點咬口，香草番茄汁以鮮茄自製，保留粒粒茄肉，還將 mozzarella 芝士用火槍燒融，香氣撲鼻。
西蘭花雜菌馬蘇里拉芝士白汁意粉 $65（連汽水及餐湯）
清新素食，西蘭花、磨菇及本菇質感爽，白汁較一般 light，食完不覺膩。
菠蘿蟹肉炒飯 $65（連汽水及餐湯）
William 即興炮製，鮮菠蘿爽甜，罐頭蟹肉鮮味，入口也挺身，跟煙肉洋葱炒飯頗夾。
金沙奶昔 $40
熟客至識叫的特飲，用上兩粒金莎朱古力、呍呢嗱雪糕及全脂奶打成，另加原粒金莎放面，再淋朱古力醬，sweet！
設計師朋友負責店內的蝴蝶畫作，跟桌上的小盆栽，添了幾分大自然氣息。
大隻熊 bear 吸引不少小朋友目光。
24 Foodstation
地址：石塘咀屈地街 24 號地舖
電話：2549 7070
營業時間：新張期暫為 12nn-10:30pm，星期二休息
收費：現金及八達通，不設加一
交通：港鐵香港大學站 B1 出口
泊車：創業中心 $15/ hr
平均消費：$65
註︰客人踩單車前來惠顧，可獲全單 95 折
歡迎你 like 我哋 U Food Facebook Page / U Food Instagram ，取得我哋更新更快嘅資訊！
