呢個咁浮誇嘅刨冰，係日式刨冰店越後屋新出品；好揼本咁用原張金箔鋪喺刨冰表面，金光閃閃，迷到不少相機食先嘅潮人；刨冰內，仲有好多花臣，內有朱古力慕絲、士多啤梨醬，上面有朱古力忌同朱古力漿，鋪埋金箔後，脹卜卜成張棉胎咁，貴氣得嚟有啲 cute。入口食到可可香之餘，紅莓醬的酸咪令朱古力味更突出；吃一口冰，原來加咗煉奶，舀少許旁邊的朱古力金寶吃，口感一百分。
Gold Leaf Chocolate $298（8 月限定，每日限售 3 個，建議預訂）
成塊金箔放喺刨冰面，下面有 homemade 朱古力忌廉，刨冰內仲藏住黑朱古力慕絲、紅莓醬，冰內加咗煉奶，旁邊仲有朱古力金寶，口感味道層層疊。
放朱古力忌廉後加上原塊金箔。
同場加映仲有 3 款新推出的刨冰，花款不比金箔刨冰遜色，包括兒童適宜無酒精版的 mojito、港女尖叫嘅焙茶和日系最撚手嘅藍莓芝士餅口味，全部都是「夏祭限定」，仲唔快啲去食？！
刨冰上放了朱古力慕絲及自製紅莓醬。
Hojicha $75
焙茶口味刨冰，上面有用焙茶粉打成的忌廉，撒上焙茶葉，刨冰裏有紅豆，配煉奶和丸子吃，香甜得來不失茶香。
Mojito $58
用 Mojito 的材料炮製，上面有鹽漬檸檬和青檸蜜糖薄荷醬，刨冰配蜜糖吃，屬清新之選。
Blue berry $68
冰面有用芝士、乳酪打成的忌廉，廚師仲用新鮮藍莓煮醬，酸咪咪，伴朱古力金寶吃，很夾。
Echigoya 越後屋
地址：大坑施弼街 27 號地下
電話：2573 2992
營業時間：星期二至四 12nn-9pm，星期五至日 12nn-11pm，星期一休息
文：Sieg、攝：Lok
歡迎你 like 我哋 U Food Facebook Page / U Food Instagram ，取得我哋更新更快嘅資訊！
