呢位「大媽」一點都不老套，由本身從事金融業的 Karen 所開，是一間賣果飲的小店，Karen 話以前大媽泛指隔籬屋嬸嬸，好親切，仲會關心埋隔籬鄰舍一家大細的健康，是「窩心」的代表！
因此，她第一次投身餐飲業，都希望將呢種「大媽精神」發揚光大，透過賣健康果飲去為出名少食蔬果的香港人的健康
打氣。主打一系列 Detox Water，單睇賣相已好吸引，用靚靚的有耳玻璃 Jar 盛載，打卡呃 like 冇難度，仲可以循環再用。為了做好呢杯 detox water，她特別到果欄物色新鮮貨，不時不用，還堅持將切好的果肉浸足 12 個鐘，等水果有足夠時間發酵及令水入味。
用來浸 Detox Water 的水都好講究，竟然仲可以選擇將生果用電解水、梳打水或椰子水來浸，實在係坊間少見！Karen
話，希望可以為產品 add value 同注入更多營養，電解水可以更容易被人體吸收、椰子水就含豐富礦物質，至於梳打水就可
以令口感更好，她更在不足 100 呎的店子裏安裝電解水機用來浸Detox Water 及洗生果，又安裝專業的大型濾水器，以小店來說投資成本可是大得驚人。
除了 Detox Water，一系列用料十足的冷榨果汁同融入亞洲色彩的鮮果特飲都係招牌，前者用韓國入口的冷榨果汁機即
榨，不另加糖及水，味道天然又討好，後者則可見到 Karen 的創意，好似用自家煲的薏米水做 base 的青檸薄荷特飲，清酸微甜，另外又有靈感取自楊枝甘露的芒果南瓜露，加埋杯上印有造型夠晒 in 的大媽 Logo，成件事即刻潮晒！
冷榨果汁 $58/杯
店子也供應一系列不添加水及糖的冷榨果汁，橙色一杯由 superfood 奇亞籽加甘筍及梨冷榨而成，
味道很濃，還吃到粒粒奇亞籽。右邊青色的一杯則由蜜瓜、青瓜及梨冷榨而成，一杯用足 16oz 蜜
瓜肉，足料香甜。
芒果南瓜露 $48
用日本南瓜加牛奶及芒果打成，質感濃稠，香甜的芒果與纖維豐富的南瓜夾起來味道和諧。
青檸薄荷薏米水 $38
自家用生熟薏米煲製的薏米水有咬口又有袪濕功效，加埋青檸汁同薄荷葉調味，很開胃解暑。
這部韓國入口的電解水機可自行調節水的酸鹼度，店子用來浸 detox water 的電解水同洗生果
的水都用這機處理過。
DAMA‧
地址：中環歌賦街 33 號地舖
電話：2338 8825
營業時間：星期一至六 12nn-7pm，星期日 12nn-6pm‧
收費：現金及八達
交通：港鐵上環站 E 出口
文：Amy
歡迎你 like 我哋 U Food Facebook Page / U Food Instagram ，取得我哋更新更快嘅資訊！
