我嘅心水，係鵝頸橋街市熟食中心內嘅九記牛什粉麵。相比南記、車仔麵之家等，它的名氣不響，但只要中午來到，見到排在車仔檔旁的長長人龍，就知它非同小可。
檔口在街市熟食中心內，有很多張枱，但午市亦不免要搭枱。
每逢午市，都會有條長長人龍在車仔檔前，好誇張！
驟眼看，車仔檔的每個「格仔」—豬紅豬皮魚蛋牛筋腩，平平無奇，但一食就覺味道不一樣。牛什，無雪味不特止，軟熟得來有彈性，原來是新鮮牛什，新鮮貨色既貴價又少有，即使是潮式粉麵店都少見；人稱「九仔」的老闆不嫌貴之餘，更捱眼瞓每天大清早把剛送來的牛什清洗乾淨；雞腳呢，隻隻脹卜卜好厚肉，煮完再焗 3 小時，食落腍滑有膠質；炆餸的柱侯醬自家炒，然而豬腸用柱侯醬加自製辣椒醬炆，甘香惹味；豬手用南乳麻醬，香噴噴帶甜，各款餸都吃出不同味道，唔會一樣味。車仔麵湯底，哪有人在意？偏偏，老闆用鯪魚骨豬骨大魚尾大地魚熬成，鮮甜無味精，喝罷不會口乾。
車仔檔的「格仔」琳瑯滿目，餸料同外間差不多，但用料做法烹調講究，每款都吃出個性，不會每款餸同一種味道。
餃子、煎魚餅 自家包製的餃子，餡料是菜和豬肉，味道鮮爽；鯪魚餅是自家打製的，質感柔軟，魚味鮮濃，加了洋葱更香口。
豬手（逢星期六不定供應） 皮肉皆厚，以南乳、麻醬和豉油等炆，甜甜哋，腍滑入味，幾乎入口即化。
雞腳、雞翼 雞翼炆得香口，雞腳很厚肉，煮好後收火焗 3 小時以上，又腍又滑。
牛什麵 新鮮牛什，清洗既花時間又花工夫，先烚後炆，軟熟得來富彈性，味道適中不過鹹。
除了大路的款式，這裏的餸料也講時令性，沒聽過吧？在子薑當造季節，這裏會有炆狗仔鴨，夏天悶熱，老闆就做泰式青咖喱，間中還會炆柚皮！能否遇啱，就要看大家彩數！餸菜的做法，有的是九仔自己鑽研，有的是按照父母的秘方改良的。九仔的父親，是幾十年前在銅鑼灣賣牛什賣到出晒名的「單眼九」，早年老父退休，他就接手。他做過很多行業，起過跌過，卻發現家裏的工作令他最踏實安穩，所以更努力將父母手藝做好，將街市檔當成餐廳般，將粗活當成藝術，將被視為下欄的車仔麵，當作上菜般雕琢，誰說車仔麵一定是百菜一味、每家都差不多？
人稱「九仔」的老闆，努力將父母手藝傳承，把每一款車仔餸都用心做好。
九記牛什粉麵
地址：灣仔鵝頸橋街市熟食中心 8 號檔
電話：2988 8960
營業時間：7am-4pm
註：
1 三餸粉麵 $27，加餸每款 $7-$9，加咖啡或汽水加 $6（凍飲 $7）、特飲加 $9；淨餸 $27/4 款（不同款式）；淨牛什 $70。
2 價格將於 9 月略作調整。
文：Yo
歡迎你 like 我哋 U Food Facebook Page / U Food Instagram ，取得我哋更新更快嘅資訊！
