街市真‧家常素食

鵝頸橋街市內，引誘處處，九記車仔麵、清真惠記咖喱羊、海記燒臘，晚市變身小菜天下，人迫人背貼背，大杯酒大塊肉，人聲沸騰至頂點。只有根記，空間最闊落，地方最光猛乾淨企理，連客人都溫文過人，寧寧靜靜，是喧鬧的熟食中心裏的綠洲。

檔口位於熟食中心一角，最乾淨企理闊落的一檔就是了！

這綠洲，由老闆娘 Elsa 親自打理，聽電話落單傳菜執拾一腳踢；每次幫襯，她都着客人預先訂菜，皆因廚房人手有限，她又堅持菜式即點即煮，人多的時候，最少等 20 分鐘，但看到菜式冒着煙香噴噴送上桌，就覺值得。

初次來，Elsa 會詳細介紹菜式。

主打中式家常素菜，餐牌中四五十款選擇，材料都是蔬菜、豆腐、腐皮、麵、冬菇等組合，但勝在不下味精，亦謝絕假肉，連油和調味料也不多，以食材原味行先，純粹靠材料的味道 mix and match，像阿媽煮的餸一樣簡單、家常、健康。好像欖菜雜菌豆腐，靠欖菜與菇菌濃香提味；嗜辣嗎？剁椒豆腐最啱，酸甜辣兼備，又不減豆香。

胃口不好的時候，我會點薑蓉蒸素雞，在鮮腐皮上鋪滿手磨薑蓉蒸，豆香淡樸，素淡不寡；帶吃肉的朋友來，咖喱薯仔雜菜是必點，蔬菜種類既多，馬來咖喱以多種香料自家調配，香噴噴卻不辣。廚師功架從很多餸菜都吃得出來，好像鮮茄茄子，茄子不散，被茄汁茄肉緊緊包着，不會弄到水汪汪，酸咪咪令人胃口大開。

因為配搭豐富味道好，所以來這裏吃素，絕少出現唔夠飽 / 太淡寡 / 很想吃肉的情況。因為少下油零味精，吃罷脾胃輕省舒服。清心寡慾，其實比想像中來得容易。

鮮茄茄子 $54
用大量新鮮番茄煮茄子，酸咪咪番茄香突出，茄子口感不會太腍，醬汁不會水汪汪，好佐飯。

秘製蜜汁素叉根 $60
其實是炸麵筋，加蜜糖和美極炮製，煙煙韌韌吃出蜜香。

咖喱薯仔雜菜 $64
自家調製的馬來咖喱，辣度溫和有層次，用來煮蔬菜，有家常風味。

剁椒蒸豆腐（腐皮或粉絲底） $68
醬汁以剁椒醬、子薑、酸梅和甜醬等調校，酸甜辣共冶一爐，不奪豆腐風頭。腐皮反而盡吸醬汁精華，超惹味。

羅宋湯 $15
材料勁多！番茄薯仔西椰菜，還加入古月粉和鮮檸檬汁，酸香帶辛辣，不比有牛肉的羅宋湯遜色。

根記健康素食
地址：灣仔寶靈頓道 21 號鵝頸街市熟食中心 6 號舖
電話：9287 8787（范小姐，4pm 後接受預訂，4pm 前可 WhatsAPP 預訂）
營業時間：11am-2:30pm（菜式售完即止）、6pm-9:30pm，星期日休息
註：建議預先致電訂菜

文：Yoyo

歡迎你 like 我哋 U Food Facebook Page / U Food Instagram ，取得我哋更新更快嘅資訊！