奧海城間 Muji 嚟緊 8 月頭就會開，係以前大食代個位，地方好大！除咗有衫褲鞋襪文具賣，呢間 Muji 仲有新元素 —「Muji Books」同「Muji Green」。
Muji Books @ 無印良品台南旗艦店
Muji Books 喺日本、台灣、美國等地已經有，今次終於輪到香港！據說會有啲關於食品同旅遊嘅書籍，放心，唔係得日文書嘅，中英文都有，唔洗擔心睇唔明。Muji Green 呢？聽講有觀葉小盆栽賣，仲經過精心挑選，啱香港家庭種。有書睇又有綠色生活，文青 weekend 又有好去處啦！
當然，咁大間 Muji 點少得 Café？Cafe 繼續主打家庭料理菜式，貫徹一向作風，以季節食材和簡單烹調作賣點，sell 健康風。開舖時會賣夏天最時令嘅瓜果菜式，最大亮點係即點即製。如果想食麵包唔一定要去灣仔分店嘅，呢間都有 Bakery ，麵包同樣喺店內工場製作，夠哂新鮮！
灣仔合和間 Muji Bakery 已經有好多款式，希望新店有新出品啦！
今次暫且報道住咁多先，一有最新消息即刻通知大家！
Muji
電話： 2694 9309
文：Louise
歡迎你 like 我哋 U Food Facebook Page / U Food Instagram ，取得我哋更新更快嘅資訊！
