黃大仙有甜品店推出期間限定嘅仙人掌果雪糕，據講可能賣到下個星期就無貨，想試要快喇！
圖片來源：Penghu Getaway
台灣澎湖到處都見到仙人掌果實，當地人會用嚟製作雪糕或果醬。
食之前介紹番，仙人掌果實有「澎湖紅蘋果」之稱，是台灣澎湖嘅特產。台灣人會用仙人掌果實製作果凍、沙冰、酒、果醬及雪糕。今次幫大家成功爭取，香港都有得食仙人掌果雪糕嘅，係甜品店「想甜嚐甜」。老闆 Elvis 托朋友直接由澎湖空運仙人掌果肉醬來港，製成乳酪雪糕。
仙人掌果雪糕筒 $12
紫紅色嘅仙人掌果雪糕賣相好靚，味道酸甜帶青草味，好得意！
仙人掌果嘅味道酸酸甜甜，跟帶酸嘅乳酪味道好夾。Elvis 話細心品嚐之下，可以感受到仙人掌果獨特的青草香味，夏天食真係好 refreshing！細細聲話你知，店主只係拎咗少量仙人掌果肉醬返嚟，雪糕隨時下個星期初就賣晒，到時想食就要飛去澎湖喇！仲唔快快 action？
想甜嚐甜
地址：黃大仙蒲崗村道 73 號
電話：3956 4744
營業時間：3pm-12am
文、攝：Jessie
歡迎你 like 我哋 U Food Facebook Page / U Food Instagram ，取得我哋更新更快嘅資訊！
