去連卡佛「食鬼」喇~

連卡佛 BLITZ 以 Anya Hindmarch 全新 8 位元圖像及街機遊戲系列嘅設計元素為主題，將會由即日起至 8 月 15 日 廣東道連卡佛 The Library Cafe 內開設限定概念咖啡店。

菜式專為 8 位元圖像同埋 Anya Hindmarch 嘅 fans 而設，帶來設計師最愛嘅大豆牛奶咖啡、英式全日早餐同乾果乳酪芭菲。

除咗早餐之外，咖啡店亦供應特色主題下午茶，搞鬼地將舊式數碼圖像同電腦遊戲角色融入美食當中，包括數碼造型冬甩、食鬼造型 macaron、對話框造型意式芝士蛋糕、哈哈笑造型檸檬撻、食鬼造型曲奇同七彩啫喱。

另外，大家亦可以自選 8 位元圖像造型 Stickershop 曲奇，整成曲奇禮盒帶番屋企慢慢食或者送比人！

文：Jenny Ling

歡迎你 like 我哋 U Food Facebook Page / U Food Instagram ，取得我哋更新更快嘅資訊！