唔知大家中意食邊度嘅榴槤呢？今次小編就介紹你試下來自馬來西亞嘅 D2 榴槤，星馬菜館少爺 18 嘅總廚就將佢家鄉嘅呢款國寶級水果整成一系列榴槤甜品，等你食得過癮！
第一位要為大家介紹嘅佳麗係 千層榴槤蛋糕，最正嘅地方係 D24 榴槤蓉同粉漿混合先煎成薄皮，每層中間仲要有榴槤忌廉，真係每一啖都充滿榴槤香！
千層榴槤蛋糕 $58/ 件
第二位係叫做 班蘭榴槤班戟夾，班戟皮係班蘭汁混合粉漿煎成嘅，再夾住榴槤蓉同椰絲。
班蘭榴槤班戟夾 $28/ 客
第三位佳麗出場喇，登登登登， 榴槤蛋撻！充滿牛油香嘅曲奇皮，包住加咗煉奶同榴槤蓉嘅蛋漿，仲要即叫即焗，包你食到佢外脆內軟嘅口感。
榴槤蛋撻 $15/ 件
榴槤蛋撻 $15/ 件
最後一位佳麗係 椰奶焦糖燉蛋配榴槤蓉，中意食焦糖燉蛋嘅朋友真係不容錯過！以椰奶代替牛奶混合蛋漿整成嘅燉蛋，面層係清甜嘅馬六甲椰糖燒成嘅焦糖，仲要加埋榴槤蓉！
椰奶焦糖燉蛋配榴槤蓉 $58/ 客
文：Jenny Ling
歡迎你 like 我哋 U Food Facebook Page / U Food Instagram ，取得我哋更新更快嘅資訊！
