晶瑩剔透嘅糖內，內藏夢幻色系嘅食用鮮花、獨角獸、心心及星星設計嘅圖案，仲有灑滿金粉的彩虹；當中所用的食用鮮花由指定花場供應，絶無農藥或殺蟲劑，鮮花品種更會隨季節轉換，新鮮感十足。
鮮花色彩營造嘅波板糖，好少女 feel。
賞花～靚到唔捨得食！
內裏的星星都可供食用哦～
奇怪～呢個彩虹我只數到 6 種顏色。
花花棉花糖棒，就最適合 party 嘞！
呢間專賣歐美糖果嘅 FANTASIA 新店，仲可以搵到大人細路都會為之瘋狂、近 200 款 Pick and Mix 的自助夾糖款式！除咗熊仔、步兵、龍蝦、表情符號、飛碟玫瑰、單車及皇冠等造型多不勝數外，特別嘅味道亦唔少，乳酪、薑、香檳及黑啤味都有，而最新引入嘅無糖心心同可素食熊仔糖就最得小編歡心，食到停唔到囗都唔驚肥吖嘛！如果你係沙田友，唔使出港島咁遠，因為早幾日佢哋已經喺新城市廣場開店，仲有更多選擇㖭。宜家仲有優惠，買滿 $500 送 200g！
可素食嘅大熊與小熊。
呢兩款 Sugar Free 嘅，可以食唔停口啦～
呢款可以食到粒粒果肉，好好味！
新返嘅牽手小熊，孖住放入口，好 sweet。
除咗軟糖，小編推薦呢兩款朱古力，綠色嘅燈籠果酸酸甜甜，白朱古力內藏士多啤梨果肉，好好味。
法國濃縮紅桑子有汽檸檬果汁（左）和有汽檸檬果汁（右）
Frozen 限量版 jelly belly，小朋友唔買唔得！
FANTASIA
地址：
太古城中心一樓 Glass House 2
沙田新城市廣場三期
文、攝：Debbie
歡迎你 like 我哋 U Food Facebook Page / U Food Instagram ，取得我哋更新更快嘅資訊！
