樓高4層的 AEON STYLE 各有不同主題又新設多個新元素，地下全新 Food Court 更有首次來港的日本東京車站人氣品牌Fari-Beurre，大賣精緻鮮果撻及法式鹹批，又有於日本設有143間分店的日式麵包店 Cantevole、章魚丸、鐵板燒、丼飯等。同層的食品市場增設日本精米專區、新鮮空運到港的海鮮專區、日本當造水果、即叫即榨冷壓果汁等。
全新翻新的AEON STYLE，環境光猛，裝修設計感覺young好多！
全日本有143間分店的日式麵包店Cantevole。
Food Court枱與枱之間的空間尚算闊落，唔會坐到好逼。
行上二樓及三樓仲有更多餐廳選擇，除了UCC 咖啡室、茶房別天神、和洋風壽司店「鮨楽」之外，一家大細去shopping必選有兒童餐供應的「Cow Bean by Pokka Cafe」，食飽行埋家品部 Home Living 及精品店R.O.U，食玩買逛足一日！
食品市場內有新鮮空運到港的海鮮專區，日本金目鯛、鯖魚、皇帝蟹及台灣香魚等都有。
食品市場增設日本精米專區，日本米由日本米直送到港，再由本地廠房精米，分別有新潟及魚沼米。
新增設兩部自助點餐機，透過輕觸式熒幕揀選餐廳及食物，用八達通畀錢後取單去餐廳等拎食物就ok！
買完一袋二袋生果、冰鮮肉又想繼續行街？店內設有冷凍儲物櫃(溫度設於攝氏4至7度)，只要出示消費收據即可免費使用。但有濃烈氣味如榴槤或易融的雪糕都不建議存放。
Aeon Style康怡
地址：鰂魚涌康山道2號康怡廣場（南）
電話：2565 3600
文：Jessie、攝：:Lok
歡迎你 like 我哋 U Food Facebook Page / U Food Instagram ，取得我哋更新更快嘅資訊！
