這間小店，之前出過龍蝦堡、鵝肝堡，而家終於輪到海中極品海膽了，海膽來自智利，一個漢堡足足用上 1/2 板、約 30 克海膽，下面是小店招牌的約 7 安士， 4cm 超超超厚手打牛肉漢堡扒，加埋法國黑松露醬，真係華貴氣息 double up。芝士與漢堡扒煎香後，海膽置頂以略焗，海膽香味四溢。
黑松露海膽漢堡 $98 近 4cm 厚、7 安士重嘅手打牛肉漢堡，肉汁多多又鬆化，加上火炙過的智利海膽味道帶少少甘香，分量大飽到頂返上喉嚨椗。牛肉外，另可選豬扒或雞扒。
未夠喉，仲可以追加埋海膽肉醬芝士薯條，以 20g 的火炙智利海膽加半融芝士，真係見到到心軟。
海膽肉醬芝士薯條 $68 薯條是新鮮炸的，薯肉滿滿，脆口熱辣，肉醬上加了 20g 智利海膽，以薯條沾着吃，更吃到海膽甘濃。
啱啱仲出咗款元朗店限定的海膽珍寶菇流心蛋漢堡，大啡菇以牛肉汁煮過，加上火炙海膽、流心蛋及海膽蛋黃醬，口感濕潤，無牛肉版咁飽，大食記者對住 3 款海膽都表示興奮。
海膽珍寶菇肉醬流心蛋漢堡配秘製海膽醬 $88（元朗店限定） 比起牛肉版本，這款多汁又無咁飽飽。大啡菇以牛肉汁煮，除了海膽外，還加了海膽蛋黃醬，一啖咬落去，夾埋流心蛋蛋漿吃，味道有層次。
地址：元朗鳳攸南街 3 號好順景大厦二座 19 號舖
營業時間：12nn - 8:30pm，星期二休息
電話：2529 4948
備註：1.只收現金，不設加一
2.荃灣灣景花園商場亦設分店|
文：田氏、攝影：Nova、Ki、Paul
歡迎你 like 我哋 U Food Facebook Page / U Food Instagram ，取得我哋更新更快嘅資訊！
