Starbucks 由 6 月 8 日至 7 月 26 日會推出新口味星冰樂 — 雙重朱古力抹茶星冰樂®同朱古力紅茶伯爵啫喱星冰樂®。
小編嗜甜，平時都鍾意 starbucks 嘅 green tea latte，今次新出雙重朱古力抹茶星冰樂® 繼續用日本綠茶，以抹茶星冰樂®做 base 加入朱克力醬同碎朱古力粒，綠茶茶香 mix 朱古力，我點抗拒到？
而朱古力紅茶伯爵啫喱星冰樂® 就用肯亞茶葉製作，加入伯爵茶啫喱同碎朱古力粒，口感豐富，頂部配忌廉同朱古力紅茶粉，飲開紅茶嘅你應該會鍾意！
飲完星冰樂可能都想食啲嘢，玫瑰荔枝希臘乳酪杯同希臘乳酪雜莓杯有荔枝果肉、紅桑子、士多啤梨、藍莓果肉等果肉同果醬，加埋穀物，多層口感又健康！
文：Lou
歡迎你 like 我哋 U Food Facebook Page / U Food Instagram ，取得我哋更新更快嘅資訊！
