小店地方不算大，大約可以坐到 20 人。小店的雞蛋仔有原味及朱古力味兩種，全部由舅父哥親自製作。雞蛋仔粒粒金黃完整，雞味香濃而且中間不是空心，質地似蛋糕仔。假如你喜歡食脆口啲的話，記得要同舅父哥預先講聲！雪糕則有榴槤、豆腐、番石榴、綠茶、3.6 牛奶、朱古力、曲奇、士多啤梨、芒果，一共 9 款選擇。小記試咗榴槤雪糕，味道濃都郁！用熱辣辣的雞蛋仔蘸雪糕食，正！
雪糕雞蛋仔之外，鎮店之寶仲有媽媽級愛心糖水！店內 3 款糖水：陳皮蓮子紅豆沙、雞蛋白果薏米腐竹糖水及陳皮海帶綠豆沙，都是由舅父哥媽媽煲。每款都有熱、凍之分，最受歡迎的雞蛋白果薏米腐竹糖水夠晒足料，腐竹味好香！有元朗識食之人介紹加多一球雪糕一齊食，夠過癮。
舅父哥
地址：元朗鳳攸東街9號好順意大廈15號舖
電話：5545 6445
相關報導
炸髀要食皮！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
