麵店的醉雞分有冰鮮及新鮮兩種選擇，可跟米粉、麵、河粉或者配撈麵。要選就要選最好，所以嗌咗新鮮醉雞！醉雞與米粉分開上，醉雞用膠碟盛載又有醉雞汁浸着，甫上枱已經聞到酒香。食落果然酒味香濃，雞肉吸收酒味但唔會有苦澀的味道！新鮮雞的肉質好滑，而且結實、爽口彈牙，新鮮雞仲有雞腎㖭！想指明食雞胸、雞背等部位，可以係落單時與店員提出。如果你係酒鬼，可以問店員拎多碗醉雞汁，倒落碗米粉度，連個湯底都有酒味！
麵店嘅豬扒同樣是鎮店之寶，豬扒有肥、瘦之分，落單時記得要同店員講清楚要肥豬定瘦豬。豬扒似是以簡單的豉油、蒜、糖等醃味，然再煎熟。厚切的豬扒一啲麵唔乾身、肉質鬆軟、好腍，而且無雪藏味，唔通麵店係用咗新鮮豬？
[info]
爽爽麵店
地址：元朗鳳攸北街5號順豐大廈地下5號舖
電話：2477 4988
歡迎你 like 我哋 U Food Facebook Page / U Food Instagram ，取得我哋更新更快嘅資訊！
