阿波羅MONAKA雪糕（朱古力味） $7
口感：外層係威化皮，脆脆哋，但放耐啲開始濕就變腍，要食就要快手（口？）！
味道：朱古力雪糕嘅奶味好重，朱古力味差咗少少。
阿波羅三文治（芒果味）$6.5
口感：細個一定有食過呢款！薄薄嘅威化皮，其實韌到咬唔開！想同時咬開威化皮同雪糕吞落肚，我覺得有啲難！
味道：芒果味好香，不過有啲香精味嘅感覺。
Häagen-Dazs脆皮三文治（曲奇味） $29.9
口感：都係有塊薄身嘅威化皮，但威化皮明顯脆好多！
味道：品牌出嘅雪糕比較creamy，三文治嘅雪糕加多咗層朱古力脆皮，味道更豐富！
FUTABA奇脆朱古力雪糕批 $24
口感：日本品牌出品，外層都係威化皮，厚薄適中、脆度一般，有啲腍。
味道：朱古力雪糕好香，奶香同朱古力味好balance，雪糕有層朱古力coating、入面又有粒粒曲加碎，朱古力味更濃！
LAVELEE 雪糕三文治（芒果味）$16.9
口感：個樣成件蛋治咁，因為外層唔係威化而係蛋糕皮！雖然唔會有脆脆口感，但避免咗威化皮會變濕變腍嘅缺點。
味道：蛋糕皮有少許蛋香、芒果雪糕嘅味道都好天然，唔似食香精！ 雪糕三文治長17.25cm，食完一條飽晒！
LAVELEE 雪糕三文治（朱古力味）$16.9
口感：都係用咗蛋糕皮做外層，蛋糕皮有啲乾，好在夾住舊雪糕，否則會有啲糊口！
味道：朱古力雪糕嘅奶味比較重，雪糕中間加咗兩塊Oreo，令到味道無咁寡，只可惜Oreo係腍嘅......
歡迎你 like 我哋 U Food Facebook Page / U Food Instagram ，取得我哋更新更快嘅資訊！
