春天最啱食啲去「濕」菜式，刴椒龍躉腩蒸腸粉就啱晒！唔好見到「椒」就驚驚，連小編完全不食辣嘅人都接受到，可以算係 BB 辣級數。腸粉及龍躉腩盡吸微微嘅刴椒辣勁，很入味，而且龍躉腩啖啖肉，十分滋味。湯品方面，鮮奶柿餅龍杏燉花膠很出色，居然加入有助潤肺嘅柿餅，連同花膠、鮮奶、龍杏一起燉製而成，非常滋補，啱晒一眾養生、又注重護膚嘅女士們。
而甜品就令小編最最最為大開眼界──番茄薯仔軟蛋糕！一睇個名就知，即係番茄薯仔湯嘅甜品版，係咪好意想不到呢？睇睇甜品賣相與一般蛋糕無異，但用匙羹輕輕切開，香濃嘅番茄味即刻湧現，而且內有一粒粒薯仔粒，甚有咬口，小編極為欣賞，不過食起嚟，番茄味道不太強烈，偏向與番茄薯仔湯較為相似。
沙田 18
地址：沙田澤祥街18號香港沙田凱悅酒店4樓
電話：3723 1234
營業時間：星期一至五 11:30am-10:30pm；星期六、日及公眾假期 10:30am-10:30pm
歡迎你 like 我哋 U Food Facebook Page / U Food Instagram ，取得我哋更新更快嘅資訊！
