只要客人可於 40 分鐘內成功挑戰並吃完整個狂牛漢堡套餐連薯條，呢個價值 HK$666 嘅狂牛漢堡套餐即可完全免費，餐廳更會向各位大胃王頒發漢堡大胃王證書一張。不過呢個狂牛漢堡套餐絕非「普通嘢」，漢堡扒重達 800 克，小編挑戰嘅話可能要餓三日先食到！
除咗呢個漢堡大胃王挑戰賽，餐廳亦炮製咗 6 款漢堡套餐，跟炸粗薯條或炸蕃薯條，價錢由 HK$188 起：烤雞漢堡、地獄漢堡、至尊牛扒漢堡、大魚漢堡、無肉漢堡以及經典牛肉漢堡，必食推介──至尊牛扒漢堡，由肉味濃嘅澳洲草飼牛柳配以捲心菜、藍芝士、甜菜根、煎蛋及蛋黃醬而成，牛柳夠 juicy，配合番清新嘅配菜，食落唔會好 heavy！
* 另設加一
萬麗海景酒店大堂酒廊
地址：灣仔港灣道 1 號香港萬麗海景酒店
電話：2802 8888
想睇更多？即上 灣仔 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
