下午茶自助餐嘅食品比較 light 啲，除咗有牛角包、三文治、希臘乳酪薯仔沙律、尼哥斯長通粉沙律、泰式米粉沙律之外，還有自助車仔麵區，有十幾款配料揀選，並可選配油麵、粗麵、幼麵、河粉、米粉及公仔麵。而小編最最最期待嘅係甜品區，有多達 12 款甜品任你揀，例如士多啤梨拿破崙、果仁朱古力餅伴酸櫻桃、香茅焦糖燉蛋、檸檬芝士卷蛋等等。
至於假日嘅下午茶自助餐，食品款式跟自助晚餐嘅款式差不多，價錢卻抵食咗不少。除咗有自助車仔麵區，更設冰鎮海鮮區，海鮮選擇包括加拿大雪花蟹腳、凍蝦、青口及太平洋螺；壽司吧則供應三文魚、八爪魚、吞拿魚、鯛魚等刺身及即製手握壽司。餐廳亦新增幾款精選頭盤，有大西洋煙三文魚、日式昆布蟹肉冷麵及番茄及水牛芝士等，很 fresh。而熱盤亦絕不輸蝕，例如非常 juicy 嘅燒肉眼牛扒配砵酒汁、法式紅酒燴雞、黃金龍蝦鉗、香煎三文魚柳等等！
另外，有 8 款口味嘅 Häagen-Dazs 雪糕以及 12 款甜品輪流上場！咁多美食，最啱就係 Easter 與一眾親朋戚友慢慢品嚐！
優悠下午茶自助餐
供應日期及時間：星期一至五 3pm-5pm
價錢：星期一至五 HK$198/位，配 1 杯意大利 illy 即磨咖啡、茶或鮮果汁
合家歡下午茶自助餐
供應日期及時間：星期六、日及公眾假期 3pm-5pm
價錢：成人 HK$198/位、小童 HK$128/位，配 1 杯意大利 illy 即磨咖啡、茶或鮮果汁 (原價：成人 HK$268/位、小童 HK$168/位)
* 另設加一
Kudos
地址：銅鑼灣禮頓道 8 號香港銅鑼灣皇冠假日酒店 1 樓
電話：3980 3000
歡迎你 like 我哋 U Food Facebook Page / U Food Instagram ，取得我哋更新更快嘅資訊！
