小食風格獨特，玩中西日大融合，每個細節、醬汁全部自家製。幾款 burger 都與別不同，最前所未見的是將西班牙風炸豬皮作餡料，配美國安格斯牛肉漢堡、瑞士芝士、番茄及西梅黑醋蜜糖 BBQ 汁。豬皮先用鹽水烚，再以 75℃ 低溫烘乾，然後拿去炸，脆卜卜，跟甜酸醬汁勁夾，又可減油膩感。另一款自製蟹餅 burger，襯日本太陽蛋及芥末忌廉汁，組合都有新意。最爆趣之處係漢堡包除了可揀 bread element 供應的 bun 外，亦可揀港式菠蘿包，試過至知，漢堡又甜又鹹，風味十個趣！
其他小食如流心芝士蝦丸、鮮蟹肉沙律炸饅頭等，都是花時間手工製作，食材跟「水月」的一樣，着重新鮮、足料，蝦丸用海蝦打成；蟹肉以加拿大蟹拆成肉；意粉用上北海道原板新鮮海膽。小食平均四十多元，burger 也不過六十多元，價錢很相宜！
BBQ 汁安格斯牛肉炸豬皮漢堡 $68
炸西班牙式豬皮卜卜脆，美國安格斯肉眼腍滑，西梅黑醋蜜糖 BBQ 汁帶甜酸梅香，配甜而鬆化的菠蘿包出奇地夾。
煙三文魚忌廉芝士汁三文治配炸三文魚皮 $66
三文魚皮經過蒸、慢煮、烘乾及炸脆；三文魚保留豐富魚油，很甘香；意式 Ciabatta 包滿口麵團香。
自家製蟹餅漢堡 $62
炸加拿大蟹肉餅，幾鮮甜。配日本蛋，蛋味香濃。芥末子沙律醬混了檸檬皮、檸汁、煉奶及忌廉，甜中滲微酸。
香濃流心芝士蝦丸 $48
半手打海蝦蝦丸夠彈牙，芝士醬香惹幾 rich。
鮮蟹肉沙律炸饅頭配煉奶些利醋汁 $48
加拿大蟹肉加蟹籽更添爽口，煉奶醬帶柔和醋香，有減膩效果。
海膽櫻花蝦天使麵（凍食）$86
北海道新鮮時令海膽甘甜 creamy，加櫻花蝦更香脆，撈麵好爽口。
Opium Snack Bar
地址：堅尼地城吉席街 99 號添利閣地下 3 號舖
電話：2612 2699
營業時間：星期一至五 3pm-12am，星期六及日 12nn-12mn
(原文摘自 U Magazine ISSUE 535)
想睇更多？即上 西區 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
