整個海鮮自助晚餐，除咗甜品區，全部 zone 都有大量海鮮菜式供應。冰鎮海鮮區有新鮮即開法國 Fine de Claire 及美國 Minterbrook 生蠔、波士頓龍蝦、凍蝦、黑青口、青口、法國麵包蟹、蟹腳和太平洋螺；壽司區有三文魚、八爪魚、吞拿魚、甜蝦、帶子、象拔蚌及劍魚等，齋聽呢啲都令人興奮！
而小編很喜愛即煮海鮮湯專區，客人可自選配料，有龍蝦、象拔蚌、蟹件、蜆、蟶子及蝦等，配搭成「經典法式海鮮湯」，湯底由大量鮮魚、番茄、西芹、番紅花和茴香等熬成，湯頭有晒鮮味。客人亦可揀選以冬蔭功、清雞湯、喇沙或白粥底烹調。每晚亦供應大受歡迎的中式響螺燉湯，啱晒三心兩意嘅客人。
至於主菜有：西班牙海鮮飯、虎蝦香檳忌廉汁及黑松露、蒜蓉粉絲蒸帶子、椒鹽軟殼蟹、泰式黃咖喱炒蜆等，小編特別推介西班牙海鮮飯，一個飯有齊魷魚、青口、海魚、帶子及鮮蝦嘅鮮味，很惹味。其他菜式還有香煎鵝肝配黑松露黑醋醬、托斯卡納燴豬肋排、羊肉馬沙拉咖喱等。
甜品係屬於第二個胃，但如果你係天生胃口細，一定要留番啲 quota 俾甜品。因為單是甜品區都有 10 多款甜品，有意大利綠茶咖啡芝士餅、香茅焦糖燉蛋、芒果拿破崙、三味芝士餅、意大利雪糕等等，實在花多眼亂。
特別優惠：每位成人客人可享半隻新鮮游水青龍蝦或一隻南非新鮮鮑魚，新鮮游水青龍蝦可選芝士焗、蒜蓉蒸或鐡板燒；南非新鮮鮑魚可選鐡板燒、果皮或蒜蓉蒸。
海鮮自助晚餐
供應日期及時間：每晚 6pm-10pm
價錢：(星期日至四) 成人 $568/位、小童 $328/位；(星期五、六、公眾假期及前夕) 成人 $598/位、小童 $368/位
Kudos
地址：銅鑼灣禮頓道 8 號香港銅鑼灣皇冠假日酒店 1 樓
電話：3980 3000
歡迎你 like 我哋 U Food Facebook Page / U Food Instagram ，取得我哋更新更快嘅資訊！
