真係好，無敵最寂寞嘅時新，終於有對手出現。
解釋先，乜嘢係港式漢堡？佢快餐店出身，你唔係信會畀 USDA 靚牛肉畀你呀。肥瘦碎牛肉，梗係要加啲味嚟 upgrade 下肉味，於是碎牛肉加麵包糠同調味料嘅 Hong Kong style 漢堡扒就誕生啦，時新、新景咁多年都沿用此法做漢堡，港式漢堡味道咪就咁囉。
這間店就將漢式漢堡帶離悶局，一樣保留港式漢堡混合調味料嘅靈魂，不過唔加麵包糠黏合，反而出動更有「黐力」嘅燕麥令碎肉黏合，老闆兼做開西餐嘅大廚特登研究出嚟，牛肉與燕麥比例 1:1，燕麥黏力好過麵包糠之餘，塊扒鬆化得來更有 chewy 感。
不過，最巴閉係港式漢堡都玩 slow cook，不是玩 gimmick，而係有實際用途。形容漢堡扒的最佳形容詞是：煎得外脆裏面爆汁，漢式漢堡終始限於成本問題，好易煎到嚡霎霎，低溫慢煮就可解決此問題，嘉寶嘅漢堡用上矜貴的冰鮮巴西牛肋肉，本身已腍滑，再 slow cook 上 1 時，將肉汁全都鎖在肉裏面，有圖有真相，切開肉汁在纖維間滲出嚟，港式漢堡水準大提升，我諗我哋要多謝發明慢煮機嗰位仁兄。
芝士牛堡 單點 $25、套餐 $38
牛肉約 1 吋厚，120g 的漢堡扒甚具看頭，經過慢煮，漢堡扒好腍滑；烘香的麵包也是一絕，外皮脆脆有麵粉香，加埋自家製的蛋黃醬，漢堡扒牛味變了主角，簡單而美味。
泡菜蛋芝士豬堡 單點 $33、套餐 $46
新出的漢堡，有半融的芝士及泡菜，鹹香惹味。
日式芥辣雞堡 單點 $20、套餐 $33
芥辣蛋黃醬是自家製的，酸甜中有 wasabi 的辣勁，不會過份嗆喉，雞髀肉都經慢煮，軟腍唔嚡。
單層泰式蝦堡 單點 $32、套餐 $45
自家打嘅蝦膠，真係有蝦鮮味，炸過後脆脆香口。
嘉寶小食
地址：葵興青山公路葵涌段 499 號光輝圍嘉寶大廈地下 I 舖（葵興邨旁）
電話：6125 8419
營業時間：12nn-9pm，星期日休息
收費：現金及八達通，不設加一
交通：港鐡葵興站 A 出口，步行 10 分鐘
泊車：光輝圍設咪錶位
平均消費：$60/位
相關報導：
牛下牛雜檔 再現江湖
承傳三代 榮耀米芝蓮滷味
觀塘友 集體回憶嗱喳麵
名店太子 真‧豬油渣麵
歡迎你 like 我哋 U Food Facebook Page / U Food Instagram ，取得我哋更新更快嘅資訊！
