最重要的，是方便就手兼價錢實惠兼不用排長龍，值得推介喎！真心！
蛋撻王：$15/個 味道似乳酪
分店主要散佈在工廠區，所以未有引發搶購潮。下午茶時段有人龍，但因芝士撻源源出爐，唔怕搶唔到。芝士撻主要以日本月島芝士乳酪製造，揼本。逢星期二更推出朱古力芝士撻。
外表：圓碌碌，脹卜卜，面層燶燶地，讚！
撻底：曲奇皮，有牛油香，但不夠脆，少許鬆散。
芝士軟心：軟綿綿好 creamy。
味道：有很濃乳酪味，帶少許鹹，芝士味略嫌不夠。
大班麵包西餅：冷熱雙重效果 $15/個（買三送一）
大班冰皮月餅出名，意想不到做芝士撻都耍家。最過癮是有兩種食法，凍吃似芝士蛋糕，熱辣辣時芝士流心傾瀉而出！不過似乎知道的人不多，沒有人輪候。My best kept secret！
外表：不夠脹，似一般蛋撻。
撻底：曲奇皮，很香牛油味。
芝士軟心：熱時有流心效果，但略嫌過於流質，吃時要小心燙嘴。反而凍食有芝士蛋糕口感，不錯。
味道：帶檸檬清香，不甜不膩。
美心：最流心最好味 $12/個（買五送一）
只限將軍澳寳琳新都城的 Bakery cafe by Maxim's，推出的芝士撻反而最爆，大大個，脹卜卜，流心效果在攤凍之後都 keep 到！而且芝士味濃郁，源源出爐輪候快，性價比高。
外表：夠大夠脹夠巨型，分量十足。
撻底：曲奇餅底十分鬆化，香口。
芝士軟心：非常芝味，濃香，勁流心。
味道：不算甜，芝士香濃，不過好大個，吃一個就飽！
相關報導：
工展會限定 海鮮芝士撻
的骰低糖口味
清香！伯爵茶撻底
Lab Made 凍餡料撞熱撻底
COCOBERRY 軟硬兩重口感
歡迎你 like 我哋 U Food Facebook Page / U Food Instagram ，取得我哋更新更快嘅資訊！
