喺日本京都宇治262年嘅京林屋係焙茶同抹茶芭菲嘅始袓，佢嘅茶葉仲利害，由全國茶大師協會主席做茶博士監控品質，每年十月更會進貢茶葉俾日本伊勢神宮，供皇室享用。
今次京林屋揀咗係香港開第1家海外茶屋，為保持香港分店同日本各分店嘅品質一致，所有出品都會喺香港分店裡每天即場製作，而原材料就由日本直接運送到香港。工作人員都總店接受training，熟悉日本茶道文化。
抹茶控，手打抹茶- 天下の昔、抹茶蕨餅、抹茶芭菲同特濃焙茶雪山都值得一試嘅。
天下の昔係用宇治區自家茶園種、人手採摘嘅綠茶葉，就係依隻茶進貢俾伊勢神宮。而抹茶蕨餅每天即場製作，食嘅時候再沾上黑蜜或者抹茶粉，會有唔同層次嘅抹茶味道。
林屋抹茶芭菲喺日本被選為最受歡迎之選，抹茶雪糕配上軟滑抹茶啫喱，再加上新鮮水果，咁多層layer好吸引。最後係特濃焙茶雪山，香濃嘅焙茶糖漿配上薄冰加埋底部嘅白玉同焙茶啫喱，好想快啲試！
京林屋
地址：銅鑼灣軒尼詩道500號希慎廣場6樓603-604號舖
營業時間：星期一至四 11am-10pm、星期五至日 11am-11pm
查詢：35801838
歡迎你 like 我哋 U Food Facebook Page / U Food Instagram ，取得我哋更新更快嘅資訊！
