以為所費不菲，店子打正「平民米芝蓮」旗號，食物定價跟日本銀座店一樣相宜，實行薄利多銷，扭轉中環名店高消費定律。
貫徹日本民族認真作風，廚房團隊陣容多達 20 人，由一星米芝蓮日籍主廚鈴木芳和親自統領。午市雖以定食為主，製作上卻跟晚市一樣嚴謹，出品更如懷石料理般精緻。
看餐牌，午餐定食多達廿款選擇，款款足料。最平 $80 有兩款拉麵定食及冷烏冬定食可選（平過坊間不少拉麵店啊！）湯底用上豬骨、雞及大量海鮮熬足 8 小時，令湯味鮮甜，叉燒仲有三大塊！入口湯底鮮甜，拉麵不糊口，用荷蘭豬製成的叉燒醬油更入味鬆化。
花多少少錢，選擇更精采，其中十款定食價位由 $140 至 $180，最受歡迎的是天婦羅定食，主角兩隻虎蝦足 9 吋長，吉列豬扒大大份，脆漿不太厚。再疏爽點不妨柯打二百多元的刺身拼銀鱈魚定食、三四百元的和牛魚生定食。每款定食包前菜、漬物、沙律、蒸蛋、飯、麵豉湯，陣客豐富，甚有霸氣。
最難得係絕不將貨就價，堅持 lunch 都要有質素！刺身定食竟有 3 片原條切的新鮮肥美拖羅；海膽照用北海道貨；豬扒用鹿兒島黑豚，豚味純厚；白飯嚴選成本不便宜的日本越光米，入口飽滿柔軟有米香。
彈性吃 lunch 一族，來個立食或 early bird (11:45am 前入座) 就最筍！點選和牛壽喜燒定食，原價 $220，特價 $140，和牛仲要係 A4 宮崎牛肉眼級數！原價 $280 的海鮮丼，亦只需 $180，平足一百蚊，難得兩者分量並無減少！
惠顧午市定食加 $48，更可歎 sake 或日本啤，連埋抹茶雪糕，食完成餐，美味又滿足！這店平日午市賣出超過 200 客定食，一個午市翻兩轉枱，大受中環人歡迎！
特別推介：
Oreno 拉麵定食 $80
除了前菜、漬物、沙律、蒸蛋外，仲送一碗飯，俾人食完麵作湯飯，點會唔飽？用荷蘭豬製成的叉燒足 3 大塊，醬油非常入味鬆化。豬骨海鮮湯底鮮甜順喉，雞蛋溏心效果啱啱好。
和牛壽喜燒定食 立食或 11:45am 前入座 $140 (原價 $220)
A4 宮崎和牛肉眼，散發豐富肉香油香，肉質柔嫩，勁 juicy，牛迷必食！
海鮮丼定食 立食或 11:45am 前入座 $180 (原價 $280)
飯面布滿刺身，包括 2 片拖羅、2 片深海池魚、3 片三文魚、原隻帶子、牡丹蝦；還有松葉蟹肉、拖羅蓉、三文魚子及海膽，用料不欺場！
刺身定食 $180
時令刺身包括 3 片拖羅、3 片海膽、2 片深海池魚、1 隻帶子。新鮮拖羅選取魚頭對落最肥的一字位，魚油豐腴鮮味；池魚亦充滿魚油。
俺の割烹
地址：中環蘭桂坊德己笠街 32 號加州大廈 6 樓
電話：2328 3302
營業時間：星期日至四 11:30am-2:30pm、6pm-10:30pm，星期五及六 11:30am-2:30pm、6pm-11pm
收費：現金及信用卡，設加一
交通：港鐵中環站D2出口
泊車：新聯大廈 $35/hr
平均消費：午市 $150-$200
備註：午市定食天天供應，午市不接受訂座。所有惠顧午市立食客人，送無酒精飲品 1 杯。
想睇更多？即上 中區 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
