今年眾多套餐之中，上海佬的蟹粉盛宴價錢合理又夠睇頭，每位＄598，有正宗上海頭盤，其餘 5 道熱葷都有蟹粉，仲位位一隻足六兩的太湖大閘蟹，分量足！尤其是今年大蟹較貴，套餐包一隻大蟹，比起兩隻細蟹更吸引！
這裏的大廚是上海人，菜式做得地道，大廚亦花心思創出新配搭，例如前年推出的意式蟹粉千層麵，有新意又好吃，成為招牌菜。今年雖然沒有西式蟹粉菜，但套餐中的蟹粉配搭，香口、清鮮皆有；蟹粉文思豆腐羹，以清雞湯炮製，鮮甜中突出蟹鮮；蟹粉黃金磚，炸漿薄，香脆軟滑；蟹粉河蝦仁配叉子燒餅，河蝦鮮嫩，夾埋脆脆燒餅，口感一流；清炒豆苗配蟹粉，簡單、滋味。最後以蟹粉小籠包和薑茶菊花凍糕作結，蟹粉幾乎由頭食到尾，不似一般套餐只得一兩道唔夠喉。
頭盤
有花雕醉雞、葱油海蜇頭、黑魚子燻蛋、香干馬蘭頭，流心煙燻蛋尤其好吃。
蟹粉文思豆腐羮
每早現熬的雞湯作湯底，味道清鮮，豆腐切得幼細，盡現手工。
蟹粉黃金磚
炸豆腐外皮夠薄，香脆不硬身，比一般蟹粉豆腐多了分香口。
蟹粉河蝦仁配叉子燒餅
河蝦仁質地夠爽，吃得出蟹粉香和河蝦鮮。
蟹粉豆苗
清炒豆苗伴以蟹粉，逐位上的分量不少。
蟹粉小籠包
小籠包湯汁豐富，薑茶菊花凍糕是自家以薑汁及菊花水炮製，少甜清香。
上海佬餐館
地址：灣仔杜老誌道 5 號 1 樓
電話 : 3125 3232
供應時間：即日至 11 月 15 日 6pm-11pm
收費：$598/位，收現金及信用卡，設加一
交通：灣仔地鐵站 A 出口
泊車：安盛中心 $35/hr
註：套餐兩位起。
相關報導：
今年必知！大閘蟹 4 大行情
放肆任食 大閘蟹！
繑埋雙手狂擦蟹——紫粵軒
蟹迷：其他任食之選
歡迎你 like 我哋 U Food Facebook Page / U Food Instagram ，取得我哋更新更快嘅資訊！
