你睇南貨店蟹店雪櫃載滿生猛大閘蟹就知！雖然今年的大蟹數量比去年少，價錢相對亦較貴，不過細蟹質素同往年一樣咁高，蟹迷唔使擔心！何況今年有更多食店以任食大閘蟹招徠，想狂擦靚蟹，大把選擇，各位大閘蟹癡，準備好未？
1. 大蟹數量少
蟹迷今年要失望了！皆因今年大蟹數量驟減！聽幾家南貨店和大閘蟹店的老闆講，去年大閘蟹豐收，但適逢內地打貪令大蟹滯銷，蟹農損失慘重，今年遂改養中型或細蟹，主攻平價市場；加上今年江蘇天氣不穩定，太湖大蟹失收，蟹農亦相對少養大蟹，令大蟹供應量比以往少。物以罕為貴，六七兩以上的大蟹價錢較去年貴一至兩成。
2. 質素高
雖然大蟹失收，但今年的大閘蟹質素和往年相若，10 月初或以後更靚。細蟹供應充足，質素穩定，價錢基本上和去年差不多；太湖 5 両蟹售價每隻約 $120：陽澄湖則貴兩三成。
3. 新登場！陽澄湖長江壹號
去年季尾登場的新品種陽澄湖「長江壹號」，今年於蟹季一開即上場。此品種標榜以有機方法養殖，飼料不含激素，以吃得安心招徠。今季供應細及中型蟹為主，蟹腳更戴上雙戒指認證防偽，於中環結志街新記有售，灣仔會展各餐廳都可吃到。
4. 送上門大閘蟹繼續熱！
買大閘蟹，幫襯老字號舖頭最穩陣，但蟹種分類仔細，有時唔識揀。近年不同了！坊間多了許多有質素的大閘蟹網購店，店主精心挑選好一兩款蟹種，唔使逼唔使煩，大閘蟹靚唔靚？睇網上口碑就知。只要在 FB 一睇再 Whatsapp，就有靚蟹送上門，超受年輕蟹迷歡迎。
今年新寵——I-CRAB
今年新登場網店 I-CRAB，向太湖蟹蟹商取貨，質素不俗。蟹季初期供應三至六兩蟹為主，迎合大部分人要求。價錢實惠，細蟹每隻＄50，12 隻＄580，24 隻＄1,080。買任何數量都送紫蘇葉及蟹醋，訂 12 隻以上再送拆蟹工具。最正係紙盒包裝精美，送禮都得。買滿＄1,000 更免費送貨至港島及九龍（新界區及離島加＄120)。至於＄1,000 以下則於銅鑼灣、尖沙咀及旺角站交收，訂一隻都可以（限特定時段）(兩日前預訂），都算方便。
FB 專頁：I-Crab 大閘蟹
whatsapp：9725 9090
明星熱捧——泓泰
去年開業的網購店「泓泰極品大閘蟹」，有不少星級捧場客，大家都將大閘蟹爆膏相片 PO 上網，口碑超好。今年繼續供應太湖蟹，所選的蟹 size 較大，蟹季初期，公蟹由四兩半至六兩，每隻＄90-＄150，買 12 隻、半籮或一籮，價錢低至每隻＄75-＄135，很抵吃。蟹乸只供應四兩重的，每隻＄85，15 隻以上更平。10 月開始會有六兩以上特大蟹供應。老闆相信蟹季中後期大閘蟹來貨較多，到時可能賣得更平。大閘蟹可於尖沙咀取貨，買滿＄1,500 免費送上門。訂購即送紫蘇葉、薑、糖及蟹醋。兩隻起，一日前預訂即可，彈性十足！
FB 專頁：泓泰極品大閘蟹 Wang Tai
whatsapp：9611 3393
想睇更多？即上 大閘蟹 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
