由 10 月 3 日開始，香港九龍東皇冠假日酒店大堂酒廊逢星期六、日及公眾假期嘅下午 3 點至 5 點半供應「和風の味」下午茶，menu 如下︰
三文魚、吞拿魚、扇貝刺身
南瓜沙律配和風汁
日本人注重健康，大廚先將南瓜輕焗10分鐘，令瓜肉軟綿，再夾番茄同翡翠苖沙律，沾上用醬油、芝麻、柴魚秘調嘅和風汁，味道清淡香甜。
長芋配黑醋汁
長芋切粒，混合硬豆腐、昆布碎、醬油，先蒸30分鐘，然後乾燒5分鐘，放入雪櫃冷卻後切件備用，食前略略一炸，長芋味道較為清淡，伴清酒、木魚精、柚子汁等製嘅黑醋汁，微酸開胃，激發味蕾。
鯖魚配秀珍菇
鯖魚係日本盛產嘅魚，先用日式麵豉醬輕煎一剪鯖魚，伴埋用洋蔥蓉、醬油、木魚精打成芡汁的秀珍菇，配埋柚子汁食，中和返魚油嘅膩感。
串燒雞翼配日式照燒汁
水信玄餅
來自日本北斗市嘅傳統小吃，外表晶瑩剔透入口即溶，傳統搭配黑糖漿及黃豆粉，特意加入食用花瓣增添口感香味，作為甜品不可錯過。不過30分鐘內好食哂喇，否則水信玄餅會溶哂。
日式抹茶
海鹽柚子梳打
香港九龍東皇冠假日酒店大堂酒廊
地址：將軍澳唐德街 3 號地下
電話：3983 0688
想睇更多？即上Brunch 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
