A-1 Bakery x 梳乎蛋
有史以嚟最 hea 嘅公仔梳乎蛋，化身月餅仔同你hea住過中秋！A-1 Bakery 推出新款奶黃月餅，用上等鹹蛋黃及優質材料烘焙而成，月餅上面仲有梳乎蛋個「hea」look，好打耳呀，用嚟送禮就啱晒！
山下菓子 x Sanrio
無論你有無愛過哈囉吉蒂，見到山下菓子嘅My Melody/ Little Twin Stars/ Hello Kitty系列玲瓏月餅，你都會（開始）鐘意！單係月餅造型同包裝已經令小編高呼︰「好cute呀！」味道方面，玲瓏月餅有一共3種味道︰Hello Kitty雙重朱古力、Little Twin Stars紅豆綠茶及My Melody藍莓，細細個好味而不膩，啱哂小朋友同OL。喺美食節入貨，$180就有2盒。
澳門英記餅家 x Snoppy
相信 Snoppy 公仔絕對係無人不曉，今年為慶祝 Snoopy 誕生65周年，英記餅家特別推出以Snoopy為主題嘅「史努比迷你奶皇月餅」，一盒八個！最令小編心動嘅除咗係每個月餅都印有史努比個樣之外，個盒都係一大重點，佢以漸變紫藍色為主調，更印有 Snoopy 和 Woodstock 一齊睇星星嘅溫馨場面，相當值得收藏！
東海堂 x Miffy
今年鐘意 Miffy 嘅朋友仔有福啦！東海堂今年繼 Miffy 蛋糕外，再度合作推出 miffy 造型冰皮月餅。除咗個月餅盒上有 Miffy 圖案外，重送埋 Miffy 保冷袋比你，而盒內就有「牛乳芝士」及「牛乳朱古力」兩種口味嘅月餅！而家重做緊優惠，快啲去買啦！送禮自用都一樣得！
相關報導：
人氣梳乎蛋做月餅仔
好打耳！miffy月餅登陸東海堂
買英記月餅 贏郵輪假期
想睇更多？即上 月餅 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
