Cafe 由 4 位後生仔所開，他們之前曾在油塘合作開咖啡店，同樣主打多士盒，後來因生意不大理想而結業。吸取了經驗，這次轉戰九龍城，無論賣相抑或用料統統升級，實行先吸引眼球，再用美味的味道留住客人的心。多士盒有 5 款口味，如石板街、綠茶紅豆、士多啤梨，全部即叫即製，最吸睛的肯定是法式杏仁餅多士盒，上面放了大大小小的彩色馬卡龍，加上新鮮士多啤梨、奇意果、芒果雪糕及鮮忌廉，望落大堆頭又夠晒華麗，呃 Like 指數爆燈，最重要唔係得個樣。
麵包盒用上比普通方包貴成倍的丹麥酥，足足有 4 吋厚，烘起來特別鬆脆，又有陣陣牛油香，盒內放滿多士粒，每層都塗滿芒果醬，啖啖香甜，馬卡龍亦試過多間供應商再嚴選，外殼鬆脆不死實，味道也不會過甜。
如果你是榴槤控，這裡的榴槤多士盒一定不能錯過，多士盒由內至外都是滿滿的榴槤忌廉，用每日返貨的新鮮泰國金枕頭打成，質感超滑，充滿濃郁的榴槤香，上面還有泰國椰糖絲、榴槤乾，以及兩球大大的榴槤雪糕，再用香蕉乾砌成花的形態，好精緻！用鬆脆的多士粒蘸上冰凍的榴槤雪糕、帶椰香的糖絲來吃，一口有多重口感，過癮！
除了多士盒，當然唔少得 all day breakfast，還有自家創製的玉子野菌煙肉卷、椒鹽雞翼、秘製牛柳粒等小食﹔唔飲咖啡的話，也可以選擇賣相同樣呃 Like 的雪糕奶昔，消暑一流。
特別推介：
法式杏仁餅多士盒 $148
賣相華麗的多士盒上有 7 款口味的 macaron，包括藍莓、黑加侖子、檸檬、綠茶、士多啤梨等，配以鬆脆的多士粒、香甜的芒果雪糕及鮮果，分量十足。
士多啤梨多士盒 $88
迷人的粉紅色造型，有新鮮士多啤梨果肉、士多啤梨雪糕，再加士多啤梨果醬，以多士粒蘸著吃，由頭食到尾都是滿滿的士多啤梨果香。
榴槤多士盒 $118
重口味人士至愛，多士盒上以榴槤乾、香蕉乾、榴槤雪糕做成花形，加上以新鮮金枕頭打成的榴槤忌廉，榴槤味勁香，配搭泰國椰糖絲，陣陣椰香跟榴槤味好夾。
玉子野菌煙肉卷 $68
店家自創的小食，以煙肉捲著蛋黃焗至生熟，入口即爆出香濃的蛋汁，混雜煙肉的鹹香很惹味，底層還有炒香過的雜菌及菜粒，吃起來多了一份清爽的口感。
全日早餐特選 $98 (包 $30 飲品一杯)
有牛角包、德國香腸、煙肉、雜菌炒蛋、薯角、茄汁焗豆及有機沙律，豐富又好吃。
椒鹽雞翼 $38/5隻
雞翼即叫即炸，加上炒香的炸蒜及紅椒粒，非常香口。
綠茶紅豆奶昔 $58
用上紅豆、綠茶雪糕及綠茶粉打成，茶味清香又有紅豆沙沙的質感，面頭加自家煮的無糖紅豆粒，增加咬口。
特濃朱古力奶昔 $58
以朱古力雪糕打成，綴以棉花糖及朱古力醬，朱古力味香甜濃郁。
Oslo
地址：九龍城南角道 15 號地下
電話：2811 9848
營業時間：星期二至日 12nn-12mn，星期一休息
收費：只收現金，不設加一
交通：可乘 101、116、1A、11B、17 號巴士前往
泊車：九龍城廣場 $18/hr
平均消費：$100
相關報導：
甜美風 韓式甜品
想睇更多？即上 甜品 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
