9 道菜嘅龍門秋月宴套餐，包括徐蒝親自主理嘅菜式，以及龍門嘅招牌 items，啱晒與一眾親朋戚友去食，菜式包括月兒像檸檬、雙龍出海、龍門劈酒雞、金銀蒜粉絲蒸蟶子、辣酒煮花螺、酒香油鹽焗蟹、紅燒鮑魚、大斑兩味以及傳統甜茶果！小編必要介紹下徐蒝師傅主理嘅三款菜式，因為菜式非常有心思！
首先係月兒像檸檬。由海鮮湯、檸檬、檸檬皮及牛油所煮製而成嘅醬汁，用圓碟盛載，好似一個月亮喺碟上咁，而蒜蓉炒海蝦就好似海浪，係一道非常有詩意嘅菜式。而雙龍出海即係龍蝦湯焗龍蝦，將新鮮龍蝦用龍蝦湯浸熟，令龍蝦味湯汁非常濃郁，肉質彈牙又鮮甜。至於龍門劈酒雞，徐蒝師傅特別選用本地隱世古洞 80 歲老師傅自家釀製嘅麵醬去醃製雞肉，惹味嫩口，一口酒一口雞，更能帶出麵醬鹹香獨特嘅味道。
龍門海鮮酒家
地址：鯉魚門鯉魚門海傍道西20號地下
電話：2717-9886
營業時間：星期一至日 12nn-10:30pm
想睇更多？即上 月餅 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
