號稱廣島最大嘅拉麵連鎖店 Bari-Uma 喺銅鑼灣開設首間香港分店，以「最強濃厚豚骨 No. 1 湯底」取勝。湯底由日本廣島真空直送到港，並引進一部自製拉麵機，每條拉麵新鮮即製；豚肉則採用半肥瘦嘅巴西豬肉，肉味濃郁，啱晒「食肉」一族！
小編有幸率先試食 Bari-Uma 嘅招牌炙燒豚肉海苔味玉拉麵 (HK$98)，齋睇都已經好足料：拉麵、一塊充滿厚度嘅豚肉、味荀、青葱、三塊海苔以及溏心蛋。湯底充滿濃郁嘅豚肉味，亦帶少許雞骨嘅甜味，而且溏心蛋內裡非常嫩滑，yummy！
Bari-Uma 除咗有招牌豚肉拉麵之外，另一款醬炆雞鎚味玉拉麵 (HK$90) 喺日本廣島都非常有名，雞白湯富有骨膠原，最啱貪靚靚嘅女生！
如果大胃王仲未夠喉，可以試埋另一必食 item：羽板燒餃子，用日本餃子機新鮮即煎，外脆內軟！
Bari-Uma 更有新店優惠，下載手機程式 iButterfly 並捕捉到 Bari-Uma 蝴蝶，即送你各款小食，更可享買一送一優惠。而且，嚟 Bari-Uma 選購任何一款拉麵，即可參加幸運大抽獎，有機會獲得日本廣島雙人往返機票、現金餐券及其他豐富優惠。即場成為 Bari-Uma Facebook 專頁嘅粉絲，可額外獲得多一張抽獎券，詳情請參閱Bari-Uma Facebook 專頁，講多無謂，拉麵控快啲嚟朝聖啦！
Bariuma Bari-Uma Ramen
地址：銅鑼灣登龍街 28 號永光中心地下
電話：2180 9172
營業時間：11am-11pm
Facebook：http://www.facebook.com/bariumahk
歡迎你 like 我哋 U Food Facebook Page / U Food Instagram ，取得我哋更新更快嘅資訊！
